اشكي لربك هو اللي ينهيلك الانسان كيفك شي مايقضيلك

من طرف **العاشق الصغير** 2012-07-12, 11:23 am

اشكي لربك هو اللي ينهيلك
الانسان كيفك شي مايقضيلك

هو اللي يفيدك . . . وهو اللي انكنك طحت يأخد بيدك
وهو اللي يداوي الجرح مهما ايكيدك
كنك دعيته ابجد هو ايلبيلك
وعل قد ماتحمد المولي ايزيدك
وخيره ايعم حتى عويل عويلك
ربي ورب الكون سيدي وسيدك
بيده نهاية صفحتك يطويلك

هو اللي يهمك . . الشكوي لغيره تقرضك واتذمك
مالغير رب الكون تشكي همك
اليوم كل حد مهموم مو فاضيلك
اهناك من احداه لو كان ينزف دمك
ايخليك مرمى ع الوطا مايشيلك
واهناك من تلقي بشوق ايضمك
وينساك لو اتكمل عقاب سبيلك
صحيح موجود في الحياة منهو يلمك
لو كان فكرك طاش ضاع دليلك . . .

يضوى دربك . . . كنهو رضا عنك ايفرج كربك
لو تذكره تلقاه ربي قربك
ان شوره مشيت ايجيك هو يجريلك
صلي وحب الناس توا ايحبك
أتى الزكاة تلقا اللي يدعيلك
وراعي أوكالك من حلال وشربك
اللي اديرها فــــ الاخره اتصبيلك
واعلن علي كل امعاصي حربك
وياريت لو تقدر تقيمه ليلك
ولو كان تقدر زور بيته ربك
أمسح ذنوبك قبل رحيلك
م ن ق و ل