موسع:مقتل عقيد بالاستخبارات العسكرية ببنغازي إثر إطلاق النار

يستاهلوها هضوم مش دايرين خير في شباب بنغازي ايام التفشيك والمناصب المزيفة قمع وقهر وتعذيب في السجون وتقارير كاذبة ويراقبوا في المساجد في صلوات الفجر كل هذا علشان يرضي عليهم المقبور

لو كل شخص يطبق في القانون وينظم في امور ليبيا بالذات الشغل المتعلق بالنواحي الامنية نقتلوه - على هالحال معادش حد يطلع من حوشه - باهي من بيوفرنا الامن والاستقرار -

صحيح اني معاك يا اخ _ في كون بعض الاشخاص يستغلوا في مناصبهم وظلموا الناس باستغلالهم وظيفتهم ويام في السجن من مظاليم - لكن على الاقل مش الاغلبية - هؤلاء قلة ولايحسبون على الاغلبية -

وتتوقع ان توا الجماعة الي حاطينهم في اللجنة الامنية وفي الامن الوقائي وفي غيرهم من التسميات الي سمتها حكومتنا الموقرة اشخاص نزيهين وما فيش حد تخطا حدوده - اهو شوف واحد من المتهمين في قضية الشهيد عبد الفتاح يونس اليوم تم تهريبه من السجن على عينك يا تاجر = على الرغم من الحراسة = لكن هناك نفوس ضعيفة في كل عصر وزمان

بالنسبة لي وهذا رأيي ما تدير شيء ما يجيك شي - انني استنكر هذا الفعل الاجرامي وبشدة لا ارضي ان تزهق روح اي مسلم وما بالك ليبي في ظل غياب القانون ثم ينفذ فيه حكم الاعدام بدون ان يسمع له او حتى ان يدافع عن نفسه

السلام عليكم
هذا مش حل القتل عمره ماكان حل اى واحد متورط فى النظام السابق وتثبت علية حاجة يتقدم للمحاكمة ويتحاكم ولكن بهذه الطريقة تصبح فوظاء وقنون الغابة هوا الحسم والقوى ياكل الضعيف .
للاسف انا تكلمت كم من مرة على تفعيل القضاء ولكن دونا جدوة ولا حياة تنادى .

لاحول ولاقوة الا بالله
الشماته حتى فالموت,,,اتقوا الله
وبعدين الخبر اللي ساير توا حتى في عهد المردوم ماصار
من قتل وسجن واغتيالات...
بدوا فيها علي اوله العاطل ع الباطل واللي داير واللي موش داير
وبعدين هضوم ايحاربوا في جميع ضباط الاجهزه الامنيه لأنه اللي اينفذوا
في الاغتيالات تنظيم القاعده ..هضوم هم الخوارج وخليكم اتقولوا هكي
نين ايخلوا ليبيا وحياة الليبيين جهنم وايسير لنا زي ماهو ساير فالعراق واليمن وافغانستان..
لازم من القضاء على هذه الشرذمه لأنها لاتريد خير لليبيا والليبيين
وبعدين الوقائي والامنيه العليا هي من ترعى هذه الشرذمه ..
هضوم ايحاربوا في عودة الشرطه واعادة بناء الجيش عشاااااااان
يسرحوا ويمرحوا في ليبيا وايخربوا فيها...
شكــــــــ ـــــــــــرآ وبـــــــــــــارك الله فيـــــــــــــــك

شررمولا بنغازى والله شرمولا

لاحول ولاقوة الا بالله

ربي ايهدي النفوس وترد ليبيا امنها واستقرارها والله ملينا

ثورة بلا قواعد وبلا اساسات - بلك بنوه وخلاص وداروله مغطى فوقه - وين تشوفه من بعيد تقول حوش - لكن وين تقرب منه تقول يا ساتر - توا ليبيا برا - ثورة ليبيا والربيع العربي = احنا ما شفنا منها الا الخريف مش الربيع العربي - احنا شفنا البلي العربي -

المهم على جية عاصفة يطيح ما بنوه - وهذا راجع لان الناس التي تقدمت ودارت روحها مسئولة على الثورة في البداية وركبت المنصة وتكلموا هذوم نياتهم مش نظيفة ولهذا الثورة جاءت مبتورة -

لا خلوا الناس الكويسة تشد وتمسك الامور من البداية لا شدوها هم كويس وصفوا النية ورتبوا امورهم

المهم سلاطة

mushwar altaweel كتب:يستاهلوها هضوم مش دايرين خير في شباب بنغازي ايام التفشيك والمناصب المزيفة قمع وقهر وتعذيب في السجون وتقارير كاذبة ويراقبوا في المساجد في صلوات الفجر كل هذا علشان يرضي عليهم المقبور

أنت متأكد أنك مسلم ... بلاش عربى وبلاش ليبى ... رمضان وصيام وتحرض على القتل والقتل المضاد نين تصفى بعضها ... راجع حساباتك مع ربك

كل الأغتيالات لناس مراتب"مستشارين,عقداء,.." وهما طالعين من صلاة في المسجد أو ماشين لصلاة......أليس لهذا الأمر دلالات؟؟؟؟؟؟

هل هناك سبب مقنع للقتل ام انه كان فى السابق فى الاستخبارات وهذا ليس مبرر