تجميع سليمان الخفيفي

أنسمي ياقديم عليك .. بكري ضناي مالخوف تنتسا
هازي يا القديم علينا.. ماتحساب جديد ايجينا
بعد قديم ويش اتريد .. تنظر العين ياريت انعمت
عقلي في همين أيعاني هم قديم وهم زماني
أحلفت مادير جديد كووها قديمين عالغلا
يا القديم ابرن داويهن ***راك مطاويح مخليهن
الي وجعتني يالقديم***جفيت وقاصر عالتسليم
العين مخليها البعيد***مفيت بكي ما شي اتريد
ساهل اندير جديد ....و الواعره املاقات القدم
قديم مو اللي ننسوه *** ننسا نقول عيني تقولي
العين رايده الجديد ....امغير مكر فى عيت القدم
قديم هو اللي ياعين.. متماضي غلاه وضرني
قديم هو سبب امرضي.. نبرا انكان لاباس قالي
قديم ما ارضينا فيه.. ننسو غلاه وانديرو اجدد
قديم ماعلينا هان.. عنده مكان مازال عندنا
قديم خير منك بيش.. بعد جفاك ديري دوته
قديم قلتله واندمت.. انساني انسيني وما انتسى
قديم ماعلينا فيه.. ارفع ايديك ياياس عالجدد
قديم بالخطا كافاك.. وجعاتك وجا كيدك علي
قديم وجديد وجرح.. تخطر عليك جني كلهن
قديم هو دواي وداي.. ومشكاي وطبيبي وعلتي
حظي عطيب ديما فيك.. اتضيع ياغلا يوم دورتك
يا القديم خلاص خطاني .. تاخذ سو اللي داواني
كان قديم ايريد نسيتك ... مابان بيت احذأ بيتك
قديم ونا بنيله بيت ... نزل في عشه عمرك ريت
عليك عوج رايتا القديم ... ظلمني ويقول امظيليم
قديم امخيبني تخييب ... سمحت تهواي وترجيب
العقل ماجديد لهاه يبكي بغيض مازال عالقدم
ما للعين دواء يبريها ... غيرك يا القديم يجيها
انجوك وين اضيق العلم ... ننسوك كيف يادار القدم
اسمحلي فيها يالقديم ...بكيت علي روحي مالظيم
الشامت ابكاي اوجعه ... نهض امعاي يدعي عالقدم
العين باكيه مالوقت ... ودير في القديمين عذرها
ماكيف القديم قديم من بخت ....حتي الجديد قالها
كان قديم ايريد العودة ....قولولا مرحب بالجودة
واجد ياقديم علينا ...قسمك لط وتشغل فينا
اسمعنه يالقديم خذوك ..خبر يفجع لكن مبروك
اللي تتطرطش ماتتلتم امعاكم فظت يالقدم
اللي وجعتني من ليام قديمي تما شعبي عام
اليوم ياقديم غلاك حتي بلاش ماعاد ينشرا
امواجع داير في قديم عليهن ماينحط رديم
انعبيهن لنظار رديم انكان التفتن شور قديم
بداي لولي مازلت مريض لادواء ولامساولي
بكينا يالقديم عليك واجد غير اخساره فيك
تلذيع القديم اقهرك اندرتي جديد ياعين شاوري
جاي قديم ايريد ايصالح مايحساب كلاه المالح
حتي كان قديم انسينا ماملي ميت يبينا
خلاص انسيتك يالقديم اشهود وتوقيع وتبصيم
خلاص تهنو يالقدم غلاكم لارمه لاكم
راح بلاش الله لا ايردا سميناه قديم وعدا
رجيت وبكيت وحست واعزوم درت ماجوني اقدم
سموحك يالقديم امعاك ايسدن ذكريات غلاك
علي ثقلي لكن فزيت قديم دفرتا وانفكيت
عيني وين الغفوه طالت هف قديم اغطاه شالت
قديم انسيتا قول عليش اللي ماتت ماعاد اتعيش
لوكان ياقديم انضرن امعاك خير مادارن اجدد
من قدام تعبأ جوفي لسيات عطيت اكتوفي
ندعي عليه في لسحار انشألله قديم لامال لاولد
يالجديد قديم قهرني باع الصوب وقال اعذرني