مشواري بديته ليل

من طرف **dude333** 2012-11-09, 1:46 pm

مشواري بديته ليل
والليل سلمنى الليل طويل
وأذهبت غايتى

في ظلام بديته
ولاعند تو الصبح مسع ريته
وكم ليل خالي مالنجوم طويته
من خوف النجوم تنيرلي السبيل
حافي القدم مريتبه ونهيته
دامي القدم شافق وبارد حيل
ولاطلت غاية لا مقام ارضيته
وكرهت السفر واتعبت مالتنقيل
وعندي اثنين اخبرا غير اخطيته
رايهم القيته ما يدل ضليل
لول رهين عواطفه ثاريته
يضعف وديمه عالصواب ايميل
والثاني بعد منه الراي خذيته
القيته علي ماقال له تبديل
وتركه القيته خير من تصنيته
حسّاب وان ميعد عليك رزيل
توقظ اصحا تعطيه مافي نيته
انكان اختلابك راك تلحظ ويل
اتبعته اسنين وفالعقاب رخيته
ماعد انسلمله ايقود رحيل
ولاقى دليل آخر علي باقيته
ارياه خاضعة للنقض و التعديل
القول لولي ماهو دليل القيته
غشيم ماصدف م النجم غير اسهيل
قال لرض ماتقلب ابذار رميته
وهي عندها لبذارها تبديل
ولا كل خيّر خيّرة ذريته
كم راس قاعد في مكانه ذيل
ماعد انقيّم فالانسان ابصيته
الصيت غر بي في ناس موش قليل
والشكل خادع للكثير القيته
والدنيا احيلها ع البسيط اتخيل
وديمه مشاكل دنيته شاقيته
بوعقل ومريّح الله الهبيل
لكوان من غموض اسرارها عافيته
مرتاح من عذاب الفكر و التهويل

بدا بقهاير
وبيها وبلاها رادتي به ساير
وكوني انلاقى عالدليل مواير
ترشد الذاهب شبه مستحيل

الشاعر عمران القزون

من طرف اسماعيل ادريس 2012-11-09, 4:20 pm

شــــ

ــــــكرآ وبـــــــــــــــــــــارك الله فيــــــــــــــــــــك

مشواري بديته ليل

مشواري بديته ليل

رد: مشواري بديته ليل