القعقاع متنازل عن كل متاع الدنيا

من طرف عبدالله النيهوم 2012-12-08, 2:28 pm

يا أحرار و حرائر

خوكم القعقاع متنازل عن كل متاع الدنيا,, يعني ما نبيش شي من ليبيا
الحبيبة,,لا نبي نتزوج ولا نبي شقة و لا نبي فلوس ولا نبي منصب,,,اللي نبيه
صار وهو معمر مات و اللي داره في الليبيين من قتل و اهانة و اللي داره في
بنات الناس الصغار ألقاه قبل ما يموت خلاص مانبيش شي,,,يعني يكفيني حنموت
بكرامة كنا فاقدينها,,,كلنا كنا عايشين بدون كرامة لأنه نشوفو في شخص شاذ
مريض حاكمنا و يحتقر فينا و مش حاسبنا بشر و لما تتكلم عليه ينتقمو منك و
من اهلك,,,

رد بالكم حد يقول سنة ونص من الثورة و مافيش شي تحسن
لحد الآن,,ماتنسوش احني نبنو في دولة من الصفر,يعني لا دستور ولا قانون ولا
جيش ولا بنى تحتية ولا اي شي,,, وهذا كله بياخد وقت طويل المهم تحمدو الله
رجعت الكرامة و حنموتو بكرامة,,, و الكرامة هذي مش حيحس بيها الا اللي
يملكها,,, أخيراا أصبرو يا احرار و حرائر و تذكرو دماء الشهداء اللي اعطتكم
الكرامة فلأجلها استشهدو خوتنا,,,,المهم الجيفة ماااااات

القعقاع