الشهيد يسال كيف صار في بنغازي

الشهيد يسألكم

(كيف صار في ثورتنا..وكيف صار فيها ياعرب رايتنا ...وايش حالكم؟)
...
كيف صار في لزلام ..وكيف صار فاللي لخبطوا النظام...زعم عاقبوهم حكمهم باعدام
... ولا اطلقوهم ودَّروا اطْعمتنا.

كيف صار في بنغازي..خذوا حقهم ولا غزاهم غازي...من يوم يومنا ديما بلا حزّازي
انديرو الشرارة وتُوتكل قرعتنا

كيف صار في الكولاسة... وكيف صار في اللي ليلهم عسّاسة...انشالله حذفتوهم مع لكناسة
كلاب شر ما تاكل مع خيرتنا

كيف صار في الثوّار...على الله ماباعوا الوطن ابعار...وما بدّلوا الجهاد بالدولار
ومافرّطوا لا طيّحوا كلمتنا..

كيف صار في وحدتكم...علي عهدكم مازال في كلمتكم؟...ولّا انتكستوا رايحة ريحتكم
رد بالكم ياناس من وحدتنا

كيف صار في ثورتنا..وكيف صار فيها ياعرب رايتنا ...وايش حالكم

كيف صار في وحدتكم...علي عهدكم مازال في كلمتكم؟...ولّا انتكستوا رايحة ريحتكم
رد بالكم ياناس من وحدتن
بارك الله فيك ابن توكرة

عبدالله النيهوم كتب:

كثروا يا شهيد لكولاسة وشواع بنغازي معبيات كناسة.. وبلادنا كلهم حكموها لزلام ..
والثورة راحت زعمك كنا في كاميرة خفية واللا كانت كلها أضغاث أحلام

والله شاعر يالنيهوم ماشاء الله عليك وربي يحفظك