الي السيد رئيس الوزراء وحكومته الموقرة

قبل اتمد ايديك وتسرق .... وتديــر اللى قبلك داره
وقبل الثورة بيدك تحرق .... وتخلى مربحنا اخساره
احسب كم شهيد خسرنا
ضحى مــات على خاطرنا
وكم واحـــد فقدوه اصغاره



قبل اتدير العيبه فينا .... انصــف واعدل فى ميزانك
قبل اتدور وتلعب بينا .... عد اللى ماتوا فى شانك
عـــد تــــراب علينا غــالى
فى شانه راحوا الغــوالى
وكم صاحب مالعين تواره



عـد اليد اللى مقطــوعه .... عد اقبور الناس الموتى
وعد اصغير ضاق اللوعه ....فاقد باته و عمه وخوته
يعشـــم دم الثورة فيك
انكان العــار انحط عليك
وساعته ما فيــه ادباره


دير احسابك فيه احساب .... وبين ايديك اليــوم امانه
دير احسابك فيه احبــاب .... فقدناهم عايشين معانا
وعد اللى اللى فاقدين خبرهم
واعويلــه خاســــرين بصـــرهم
وام الثـــــــــوار المحتــــــــــــاره



قبل اتمد ايديك وتسرق .... وتديــر اللى قبلك داره
وقبل الثورة بيدك تحرق .... وتخلى مربحنا اخساره
احسب كم شهيد خسرنا
ضحى مــات على خاطرنا
وكم واحـــد فقدوه اصغاره

شكرا للمعلومة لاني مش عارف صاحبها تحياتي