أنت أعترضت على تشبيه ابنتك بعائشه القذافي

من طرف عبدالله النيهوم 2013-01-08, 1:54 pm

كلام الحق وجاااااااااااااااااااااع يامقريف
لك كل الحق ان تعترض علي تشبيه ابنتك بعائشه القذافي ..هذا حقك ..
لكن بصراحه انك
... ... ضحكتني لما وصفت ابنتك وابن اختك بالمناضلين ..خليني نعطيك فكرة عن
النضال لان مفهومه ممكن يختلف من شخص الى اخر ..النضال يا عزيزي الدكتور
هو عندما تتضر ان تدرس فى مدارس ايلة للسقوط مع منهج دراسي يتغير كل سنة او
سنتين حسب ذوق الامين في ذالك الوقت لان ما فيش عندك خيار اخر او تدرس في
الجامعة الليبيه فيما يسمى بالتريالات لان ما فيش مدرجات مناسبة للدراسة
وتشري كتب نص عمر ولازم بالغة الانجليزية وانت ما تعرفش اي حاجة على
الانجليزي يعني ( انجليزي ده يا مرسي) ..النضال انك تستعمل ميكرو باصات
الموت لانها وسيله الموصالات الوحيدة ولان معضم العائلات الليبيه لا تمتلك
سيارات او تعالج في مستشفيات زي مستشفي طرابلس الطبي اقل ما يسمى عليها
ثلجات الموتى ...الداخل ليه مفقودا مفقود وتبيع بيتك مش تعالج في تونس ولا
مصر ..النضال لما تسمع بوك وامك يتكلموا عن السياسة في الحوش بالهمسسسسس
طبعا لان الحيطان ليها ودان ولان ما تعرفش من معاك من عليك , النضال لما
تتفرج على قناة وحيدة تقرا جريدة واحدة يتيمة ينعي معزول عن العالم ...ومع
هذا كله ومازال اكثر تخرج منا المهندسين والدكاترة والطيارين الي منهم من
هو عاطل عن العمل ومنهم من هج ..مؤخرا سمعت ان الخطوط القطرية بيها 65 طيار
منهم 52 طيار ليبي ..وغيرهم طبعا من المهندسين والدكاترة ما تعدوش ..وبدل
ما تشجعهم للرجوع لبناء الوطن واخد مناصب تلائمهم ..جبت بنتك وابن اختك
المناضلين لان تتثق فيهم ..حقك
اذا كانت ابنتك تهيات ليها الضروف المناسبة للحصول على الماجستير من امريكا
فيوجد من الشباب الليبي من حاصل على درجة الماجسيروالدكتوراة بالرغم من كل
هذه الظروف ..ارجوك ما تشغليش اسطوانه انكم كنتم في غربة خارج الوطن فنحن
كنا في غربة داخل الوطن
النضال هو الي قام بيه الشباب الليبي وضحوا بارواحهم واطرافهم وتلرملوا
نسائهم وتيتموا اطفالهم عندما خرجوا للطاغية في الوقت الي كنت فيه تجهز في
الشنطة للرجوع للوطن بعد ما سمعت خطاب اوباما الشهير ( القذافي فقد شرعيته)
هذا هو النضال الحقيقي وانت لم تختار ابنتك وابن اختك لانهم اكثر الناس
تتثق فيهم ..لا..انت اخترهم لانهم لا يمكن ان يعارضوك يوما ما فا الاولي
ابنتك من دمك والتاني ابن اختك وزي ما يقولوا الخال والد ..كفاية ضحك على
الناس واستخفاف بالعقول.