للشاعر. . . مفتاح الفالح يامه نهيت العين

ياما نهيت العين *** اتحايل علي اتقولي بعدين
علي ظلالها
ياما عطيت ادباره *** العيني اللي دارت الصوب اتجاره
ع الناس عرفت ف السوق والحداره ***شالوا نباها طال في لخرين
وسوق الغلا يبي اسلوب شطاره *** وعين ظالمه تفهم الغشاشين
موش كيف عيني دايما منهاره*** من ادني سبب تقهر العقل اسنين
غالت غوالي ف الغلا سمساره *** خذوا احواشا كله عطاتا دين
اردحت نين فاجاها الله بخساره *** شقاها وراس المال هن لثنين
وحاست علي وقاعده منهاره *** ف الليل تنكلب واجد ابكاها شين
وتنال رقم واحد ف البكا بجداره *** ان صار التنافس بين بكايين
قابيتني لاحظت فيها ماره ***رقيق عزمها تكره الصبارين
حتي انكان في جسمى الها الصداره ***هي والعضا لخرات مختلفين
وانكان عاندتها طبعها مكاره *** موش مشكله تبكي بلا تلحين
ياما عطيت وصايا ***العيني اللي ديما اسباب شقايا
منجوها عدوة العقل تكره رايا*** عليه سيطرت طالع الها مسكين
اتقوده اتخطي فيه للصلايا *** اوهو ما ايشوف اوهي قليلة دين

للشاعر. . . مفتاح الفالح

اتحفتنا برائعة من روائع الشاعر المشهور مفتاح الفالح ..............
مشكور اخي وننتظر المزيد

جميلة جدااا

ننتظر تواصلك خوي على