إعلانات المنتدي
المواضيع الأخيرة
بحـث
عندي عقل مو قاعد نهار الشيله
صفحة 1 من اصل 1
عندي عقل مو قاعد نهار الشيله
بدأ هذه القصيدة الشاعر صالح التاعب وسببها أن من كان يحبها رحلت وزوجوها من غيره، وجاء إلي ديارها فلم يجد أحد فجلس على الأطلال، وقال هذة القصيدة وطلب من شاعرنا عبد الرحمن امغيب أن يرد عليها.
قال صالح التاعب:
عندي عقل مو قاعد نهار الشيله
عليه حايلوا مابت اتجيبه حيله
كثر تخميمه
والعين ضاله تذرف عليهم ديما
كيف نجبدوا مدعى كبير القيمه
نحوس ف العداله نين نا نمشيله
بعدوه عليا
بودور جبا كي نخيل زويه
اللي ف الجبل ماهناك واحد زيه
نهار شيلة الغالي عليّ ثقيله
باعدوا وتمرد
نعنه ثقيل وم الغلم يجرد
ونعنه علي مرقد سرير مفرد
ويوم الزياره جوزته تمشيله
ياشيخ بوالحلافي *
جدك شريف وراك مسلم صافي
يامن عطى ريدي نعنه هافي
ولكن لسانه ساعة التسبيله
ياشيخ بو بجوده
جدك شريف امنسبات اجدوده
يامن عطوا ريدي نظيف اخدوده
نعنهم فقارى في حياه رذيله
ياراقد الصليبه
وياعيت صلمه كلكم جمليه
نعن صدافهم بطاح طافي ضيه
ويبقوا شماوي ع التراب دقيله
ياغفير القطه
نريدك تثور معاي لاتبطا
اللي باعدوا ريدي مغير بخطه
نعنه جنازه والكفن واتيله
يابومغيب هابه
علي باعدوا مولى القرين الصابه
ان ما طلت بو سالف يدير ضبابه
يبقن ظروفي عندهن تمييله
عندي العقل موقاعد نهار الشيله
عليه حايلوا مابت اتجيبه حيله
رد الشاعرعبد الرحمن امغيب على الشاعر صالح بو التاعب في قصيدتة نهار الشيله قال:
عندي العقل موقاعد نهار الشيله
عليه حايلو مابت اتجيبه حيله
مانفعت فيه ادباره
عقلي بعد شيلة كحيل انظاره
مولى الشفاه امعورجه بشطاره
حوس مدار العقل بوتكليله
اللي مضحكه لاسعفه لا نصفاره
سبحان ما خلق مولاي في تعديله
سبحان كيف انسيني
وكيف ايش نامت في غايبه عيني
ياريت لاريتك ولاريتيني
ولاصار باب الحب يا الجميله
ايام كان الغلا متموم كان ايجيني
ويزعل علي كيف ما نمشيله
واليوم الغلا مولول
جابر علينا والحدود امحول
تبعت هللي ف الخراب يعول
خانك الله يابو نفايل نيله
يا ما زها صوبه وخيره طول
وياما جرى شوري بكل وسيله
ريدك انساه سريبه
وخلي العقل يرد في ترتيبه
الخونه بعد لامان هي العطيبه
ومن صاحبك تقبى عليك ثقيله
يا بو التاعب راك عاد تدويبه
من حاشن انسيك انساه عطبك ليله
وانسى كحيل هماده
وانسى الغلا كي نسوته وزياده
نعدوه كي هللي حذا قرناده
خربن مواكينه بعد تعديله
ستين واحد دفنوا بشهاده
ولي عاش منهم في حياه رذيله
نعدوه كي البلغاري
اللي شايل الحجاج مو متواري
جوه الصحافه تاعبين سواري
لقيو حطامها ع الوطاه دقيله
ولقيوا اللي مجروح دمه جاري
ولقيوا اللي واتي ع التغسيله
نعدوا كحيل ارماقه
فراسين قطعوا في نهار ملاقه
خان الغلا وانت تعد فراقه
كي ماجرى ف المرج وايش اطريله
انسى بوخجل مبروم بو زراقه
ونا زاد نقني عزم ع التطويله
نعدوا كحيل انظاره
فراسين قطعوا في نهار القاره
عيت جبر ومعاهم ضنا نواره
ولقيو الورفلي مدني خيله
ومعاه الحسون ويوم توقد ناره
وكله علي سبا ضنا الخويله
نهار العدو تمت الخيل سكارى
اللي حضروهما قدروا علي تمثيله
تلاقوا اصحاب المال والغواره
حادرين من سيوه وثاني ليله
وواجد اللي جاب الثنا وافخاره
وواجد اللي استنزل ع الترجيله
نعدو كحيل اصبيه
نعدوه كي ما صار ف العامريه
شنقوا نهار السوق في ضحويه
وسرافين يطروا فيه مو في جيله
ثلاثه سعادي في سباب وليه
علي شهادتي لاحق لله تبديله
عندي العقل مو قاعد نهار الشيله
عليه حايلو ومابت اتجيبه حيله
يا بو التاعب حطه
حملك ثقيل وبو مغيب شطه
سمعتك اتفزع في غفير القطه
ونا زاد نفزعلك بشيخ مثيله
ياراقد الحمام لا تبطا
وحتى الحمري ماعطيب اعويله
يابو التاعب زره
ولكن ادعي بشويش راك اتضره
مغير قول في بيتك وفي اللي بره
ومغير قول ف الصحه وفي العويله
ومغير قول في بوها وخوها مره
ومغير قول تقبى قزن وهجيجيله
مغير قول في مينتا
ومغير قول ف الشايب وفي خيوتا
ومغير قول تمرض تنقرض حالتا
ومرضها يجاور ما تجيبه حيله
ومغير قول راجلها يموت ايمتى
وراك تظلمه مولى النفايل نيله
يا بو التاعب واتي
كيف تنزنق واصحى تسيلب وصاتي
راني غريب شوي موش مواتي
والناس تنقله ساع الكلام اتشيله
وان كنك تريد اتسال عن جيهاتي
راني عللي صنقري القبيله
ونختم كلامي ع النبي بصلاتي
شفيع امته وقتن تقل الحياه
عندي العقل موقاعد نهار الشيله
عليه حايلو مابت اتجيبه حيله
قال صالح التاعب:
عندي عقل مو قاعد نهار الشيله
عليه حايلوا مابت اتجيبه حيله
كثر تخميمه
والعين ضاله تذرف عليهم ديما
كيف نجبدوا مدعى كبير القيمه
نحوس ف العداله نين نا نمشيله
بعدوه عليا
بودور جبا كي نخيل زويه
اللي ف الجبل ماهناك واحد زيه
نهار شيلة الغالي عليّ ثقيله
باعدوا وتمرد
نعنه ثقيل وم الغلم يجرد
ونعنه علي مرقد سرير مفرد
ويوم الزياره جوزته تمشيله
ياشيخ بوالحلافي *
جدك شريف وراك مسلم صافي
يامن عطى ريدي نعنه هافي
ولكن لسانه ساعة التسبيله
ياشيخ بو بجوده
جدك شريف امنسبات اجدوده
يامن عطوا ريدي نظيف اخدوده
نعنهم فقارى في حياه رذيله
ياراقد الصليبه
وياعيت صلمه كلكم جمليه
نعن صدافهم بطاح طافي ضيه
ويبقوا شماوي ع التراب دقيله
ياغفير القطه
نريدك تثور معاي لاتبطا
اللي باعدوا ريدي مغير بخطه
نعنه جنازه والكفن واتيله
يابومغيب هابه
علي باعدوا مولى القرين الصابه
ان ما طلت بو سالف يدير ضبابه
يبقن ظروفي عندهن تمييله
عندي العقل موقاعد نهار الشيله
عليه حايلوا مابت اتجيبه حيله
رد الشاعرعبد الرحمن امغيب على الشاعر صالح بو التاعب في قصيدتة نهار الشيله قال:
عندي العقل موقاعد نهار الشيله
عليه حايلو مابت اتجيبه حيله
مانفعت فيه ادباره
عقلي بعد شيلة كحيل انظاره
مولى الشفاه امعورجه بشطاره
حوس مدار العقل بوتكليله
اللي مضحكه لاسعفه لا نصفاره
سبحان ما خلق مولاي في تعديله
سبحان كيف انسيني
وكيف ايش نامت في غايبه عيني
ياريت لاريتك ولاريتيني
ولاصار باب الحب يا الجميله
ايام كان الغلا متموم كان ايجيني
ويزعل علي كيف ما نمشيله
واليوم الغلا مولول
جابر علينا والحدود امحول
تبعت هللي ف الخراب يعول
خانك الله يابو نفايل نيله
يا ما زها صوبه وخيره طول
وياما جرى شوري بكل وسيله
ريدك انساه سريبه
وخلي العقل يرد في ترتيبه
الخونه بعد لامان هي العطيبه
ومن صاحبك تقبى عليك ثقيله
يا بو التاعب راك عاد تدويبه
من حاشن انسيك انساه عطبك ليله
وانسى كحيل هماده
وانسى الغلا كي نسوته وزياده
نعدوه كي هللي حذا قرناده
خربن مواكينه بعد تعديله
ستين واحد دفنوا بشهاده
ولي عاش منهم في حياه رذيله
نعدوه كي البلغاري
اللي شايل الحجاج مو متواري
جوه الصحافه تاعبين سواري
لقيو حطامها ع الوطاه دقيله
ولقيوا اللي مجروح دمه جاري
ولقيوا اللي واتي ع التغسيله
نعدوا كحيل ارماقه
فراسين قطعوا في نهار ملاقه
خان الغلا وانت تعد فراقه
كي ماجرى ف المرج وايش اطريله
انسى بوخجل مبروم بو زراقه
ونا زاد نقني عزم ع التطويله
نعدوا كحيل انظاره
فراسين قطعوا في نهار القاره
عيت جبر ومعاهم ضنا نواره
ولقيو الورفلي مدني خيله
ومعاه الحسون ويوم توقد ناره
وكله علي سبا ضنا الخويله
نهار العدو تمت الخيل سكارى
اللي حضروهما قدروا علي تمثيله
تلاقوا اصحاب المال والغواره
حادرين من سيوه وثاني ليله
وواجد اللي جاب الثنا وافخاره
وواجد اللي استنزل ع الترجيله
نعدو كحيل اصبيه
نعدوه كي ما صار ف العامريه
شنقوا نهار السوق في ضحويه
وسرافين يطروا فيه مو في جيله
ثلاثه سعادي في سباب وليه
علي شهادتي لاحق لله تبديله
عندي العقل مو قاعد نهار الشيله
عليه حايلو ومابت اتجيبه حيله
يا بو التاعب حطه
حملك ثقيل وبو مغيب شطه
سمعتك اتفزع في غفير القطه
ونا زاد نفزعلك بشيخ مثيله
ياراقد الحمام لا تبطا
وحتى الحمري ماعطيب اعويله
يابو التاعب زره
ولكن ادعي بشويش راك اتضره
مغير قول في بيتك وفي اللي بره
ومغير قول ف الصحه وفي العويله
ومغير قول في بوها وخوها مره
ومغير قول تقبى قزن وهجيجيله
مغير قول في مينتا
ومغير قول ف الشايب وفي خيوتا
ومغير قول تمرض تنقرض حالتا
ومرضها يجاور ما تجيبه حيله
ومغير قول راجلها يموت ايمتى
وراك تظلمه مولى النفايل نيله
يا بو التاعب واتي
كيف تنزنق واصحى تسيلب وصاتي
راني غريب شوي موش مواتي
والناس تنقله ساع الكلام اتشيله
وان كنك تريد اتسال عن جيهاتي
راني عللي صنقري القبيله
ونختم كلامي ع النبي بصلاتي
شفيع امته وقتن تقل الحياه
عندي العقل موقاعد نهار الشيله
عليه حايلو مابت اتجيبه حيله
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
dude333- مشرف المنتدى السياسي
-
عدد المشاركات : 5585
العمر : 54
رقم العضوية : 9508
قوة التقييم : 36
تاريخ التسجيل : 11/01/2012
مواضيع مماثلة
» عندي حكاية يا بحر كاميها أمفيت انت ما عندي لمن نحكيها
» نهار الزفة
» مــــــــــــــــــــــــــــــــــــوش قاعد.!!!..!!!.
» ع الفيس قاعد ......
» آلــــــــــو ### وين قاعد
» نهار الزفة
» مــــــــــــــــــــــــــــــــــــوش قاعد.!!!..!!!.
» ع الفيس قاعد ......
» آلــــــــــو ### وين قاعد
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
اليوم في 9:55 am من طرف STAR
» لأقصى فائدة ممكنة.. أفضل الأوقات لشرب الماء
أمس في 9:26 am من طرف STAR
» تسريب صوتي يكشف فضيحة فساد مدوية
أمس في 9:26 am من طرف STAR
» متعة الاستجمام والاسترخاء على شواطئ البرتغال الخلابة
أمس في 9:25 am من طرف STAR
» خطوات بسيطة لتنظيف مكيف السيارة للحصول على أفضل تبريد
أمس في 9:24 am من طرف STAR
» شوربة البصل الفرنسية مع جبنة البارميزان
أمس في 9:23 am من طرف STAR
» ايران تعلن وفاة رئيسها ووزير خارجيتها في حادثة تحطم الطائرة
2024-05-20, 10:29 am من طرف STAR
» الرجالهك يخمد البركان ويحصد لقب الكونفيدرالية
2024-05-20, 10:29 am من طرف STAR
» مجدرة العدس والرز
2024-05-20, 10:28 am من طرف STAR
» كلوب يودع ليفربول بفيديو مؤثر
2024-05-19, 9:57 am من طرف STAR
» تنطلق من 0 إلى 100 كم في 8 ثوانٍ.. روسيا تطلق سيارتها الكهربائية الجديدة
2024-05-19, 9:55 am من طرف STAR
» ما هي مواصفات هاتف Galaxy M35 الجديد من سامسونغ؟
2024-05-19, 9:55 am من طرف STAR
» فوائد الزعفران العديدة لصحتك
2024-05-19, 9:52 am من طرف STAR
» هل وفى المدرب الألماني بوعده؟.. صلاح يكشف عما تعهد به كلوب لإقناعه بالتوقيع لليفربول قبل 7
2024-05-19, 9:51 am من طرف STAR
» رحلة مثالية للعوائل إلى إزمير ثالث أكبر مدينة في تركيا
2024-05-19, 9:50 am من طرف STAR