جبلنا شاطت فيه النار

جبلنا شاطت فيه النار ...وكم هكتار كلاته والي جاها اصدار
...جبلنا شاطت فيه النار جبلنا صاف بعد نوار.. ربيع ازهار ..النار كلاته يازيدان.. كذا شوفلنا هل الطليان اوكم طيار ايطفو نار كلت نوار جبلنا شاطت فيه النار شاطت نار في الحته ديا.... جوها فزاعه الطليان.. ابطيرات اوبخ اميه والدوله في عز منام عدت لوسيطه اللوطيه ...والدخان رقا عمدان... انراجو في بخباخ اميه ويجلي عنا الغمام ...ابلخنه والجيها الفوقي.....ه جبلنا عدا يا زيدان.... بعد زرع ومنبت قمحيه تمت مفحومه سبحان...صلاح البرعصي

اللي قبل كان الخضر " تمى عوين من نار شايطه

ابقي مفحومه ،،
وتمى السافي في مكان نسومه
ماهناك غابه تنطرا في الحومه
وقصّر عقاب الوطن ،،، اللي نزمطو في مخايطه

بنار يجازي ،،
جبلنا سواد وماخضار توازي
واللي كل يوم يجيه من بنغازي
تبرّا اليوم انسيك ،،وكبده عليك كانت مايطه

بان الخافي
عرفنا الصاحب م العدوّ الجافي
قصْرو معانا في عقاب مطافي
اللي هم نفسْهم فيك ،، وكملو عليك غير امفايطه

النار كلاته
جبلنا وماتلقى الا حتحاته
لامؤتمرهم ناض لا وجعاته
وامتى تنوض طال النوم ،،، ورقاد الحكومه الزايط



للشاعر : محسن بوخضره المسماري