بكت بكتني ...بنغازي الحبيبه لنقانها وجعتني

من طرف **عبدالحفيظ عوض ربيع** 2013-09-14, 7:38 pm

بكت بكتني ...بنغازي الحبيبه لنقانها وجعتني
بعــــــــــد كل ما دارت....بكت بكتني

والله ماتستاهل....
هرمنا مغير نقول عادي ساهل...
وللــــي ايخرب انقوله ياجاهل
روحي فداها بنغازي لي ربتني

بكت بكتني ...بنغازي الحبيبه لنقانها وجعتني
بعــــــــــد كل مادارت....بكت بكتني ..
ـــــــــــــــــــــــــــــــــــــــــــــــــــــــــــــــــــــــــــــــــــــــــ
رد سامى موسى وقال :

بكت بالصوت ......
بكّت معاها كل الرفق والخوت
يا صاحبي بالله فات الفوووت
راني معاها ولأجلها للموووت
كم من مواقف للحياة ردتّني
ـــــــــــــــــــــــــــــــــــ
ما تبكيش
مـــن حيـيـنـــا والــليـثــي والــكيــش
والبركة وسيدي حسين وأرض أقريش
وكل المناطق فيك . معاك غير اتعيش
اللي ما يوم عمرها نسْيَتني ..
ــــــــــــــــــــــــــــــــــ
نحن معاك ..
وكل شي نعطـوه راه فـداك
ترخص الدنيا وما يهون رجاك
كل الكنوز والله مـا تســواك
يللي بغلاها فالقلب حطتّني ..
ــــــــــــــــــــــــــــــــــ
سواء تفجير
وإلا إغتيـال وقتــل مــالأخيــر
راني معاك واللي يصير يصير
يــا شــرارة ثــورة الـتـكـبـيــر
ومزال تنقال (( مزالت الدنيا بخير ))
بنغازي حنونه وبحبها غمرتني
ــــــــــــــــــــــــــــــــــ
بكت بكتني ...بنغازي الحبيبه لنقانها وجعتني
بعــــــــــد كل مادارت....بكت بكتني ..