يادار واجعني خلا موكرهم

من طرف **dude333** 2013-11-10, 9:28 pm

من كانوا طرب للعين كي تنظرهم

خــــــلا مــربــاهــم

من كانوا طرب للعين كي تلفاهـم

اللي ع الحـلال مربييـن ضناهـم

مانـريـد نتـذكـر ونتذكـرهـم

كيف السحايـب بتعهـم وغطاهـم

تطول في البعيد وفي القريب مطرهم

خــــــلا وجــذيــبــه

من يومن مشوا منك وفيك الغيبـ

اعزاز موحهم طايل وطال سريبـه

علي وين ما مال الزمـان دفرهـم

لا يبخلـو ولا يركبـوا العطيـبـه

ولا تشين ليقتهم اوقـات كدرهـم

خــــــلا قــريــمــه

لا بان وحيـك لا سمعنـا ريمـه

اصحاب المروة والعنـاء والقيمـه

اللي الحق ينطق من افواه ادقرهـم

اسم الله علي الانظار منهـا ديمـه

جبدت سهاريهـم وجبـد صورهـم

خـــــلا غـاشـيــهــم

اللي العين ما تبكي مفيـت عليهـم

اوقات يتلضن ع اللطـاش ايديهـم

ماهناك من يجسر علي محورهـ

تقول العـرب للـي نـدر ناويهـم

ان كانك رضي والدين لا تخسرهـم

خــــــلا زمــقــنـــا

الدار الخاليه وقتـن عليهـا تقنـا

سالـت الدمعـه واليديـن صفقنـا

علينا خطر نقنـاق يـوم سفرهـم

يريـدوا ومازالـو اعـزاز رفقنـا

مغير ع الفراق الوقت ما شاورهم

من طرف فرج احميد 2013-11-21, 5:35 pm

كلام فى الميزان يعادل ذهب
تسلم اخى دودي

من طرف **STAR** 2013-11-25, 9:31 am

انعم

صحيت يا غالى

من طرف ابن الجبل 2014-03-05, 3:54 pm

قعدن للبوم موكار = اديار عزاز كانوا ساكنينهن ... جديد يونس الحجازي وردعلى القصيده الرائعه في الوصف والجميله

رد: يادار واجعني خلا موكرهم