خمسه اسنين

خمسه اسنين واحنا في ظلام
وخمس اسنين واحنا مهجرين
وخمس اسنين من قطع الرحام
بين لحباب والحبل المتين
خمس سنين واكلنا السلام
لأهل الوطن والجار اليمين
وخمس اسنين مليانه اجمام
قلوب الناس كيف الميتين
خمس اسنين مقلوع الرمام
طاح الوطن واهله طايحين
خمس اسنين كاسيها غمام
بلاد العز منظرها حزين
وخمس اسنين كيف حال اليتام
علي اثر الوطن فقد الوالدين
وخمس اسنين ما طاب المقام
وخمس اسنين واحنا ذاهبين
وخمس اسنين يمشي النفط خام
بلا عداد واهله مفلسين
وخمس اسنين نسمع في كلام
كسر ارقاب منا مبغددين
وخمس اسنين ورقاق العزام
ليل نهار دمعه نازحين
وخمس اسنين كيف سرب الحمام
علي لوطان نبرم حايمين
يجي بحط ع البرج بسلام
تقول نزل يلقه الناشين
خمس اسنين ما جنا لكمام
وبكري الثوب قبه امزقين
خمسه اسنين طابور الحرام
بِسْم الدين نفرنا الدين
خمس اسنين ملي ما نظام
كبير السن والا اللي جنين
الصاحب خان واولاد العمام
هذا وقت وقت الخاينين
خمس سنين عدن عام عام
تعري الشبح يمشوا عاريين
خمس اسنين من كذب الاعلام
هلي فوق تموا لوطييين
وعد الله بطيح الصنام
الوعد الحق وعد الصابرين

منقول