اسقد امغرب قاصد الذباحه ..قطـــــــــاعة الروس بجهل واستهتار

اسقد امغرب قاصد الذباحه ..قطـــــــــاعة الروس بجهل واستهتار
لاهو مفكر في دقايق راحة ..لايريد فالفـــــــــــــــــارغ يفوت نهار
فازع لخوته قالها بصراحه ..اللي هالبين العـــــــــــــــام فالحصار
راجل ولد راجل وخش الساحة ..بقوة على الظلام كي الاعصـــار
يمسح ويكنس فالبلا بكـــــــــساحه ..واقف بعزمه ضد روس اكبار
قال ننتصر لازم وشد اســـــلاحه ..وخشوا الحرب معاه غير انفار
اعلمها اللي وطنه يريد ارباحه ..كيفـــــــــــــــما لفا فزاع جو تيار
واقفين في ساحة الموت فراحه ..لها الوقــــت مالذوده على المطار
لا يفكروا في موت له شباحه ..ولا يرجــــــــــفوا في لحظة انفجار
خايفين مالموكر يسير طياحه ..فيد من ازرع بيـــــــدين الاستعمار
لاقوه بدري ماعطوه مساحه ..من كل الجــــــلاوي حيل ريشه طار
يوم موش يومه جاه في مطراحه ..الجيش المدرب ما ارضي بالعار
فازوا عليه وما مشا بنجاحه..ثقيل ما اقدرها طــــــــــــولة المشوار
هاب الملاطم نين صـــــار ارياحه ..وابقي اليوم ماعنده مغير امتار
حاول يريــــــــــــــده لاورا يزاحه ..لكن ابقي في وضع الانحسار
فات كل ما ناله بكل وقــــــــــــــــاحه ..اياما وهو في نشوة انتصار
تهاوت عروشه وانتهى بمــــناحه ..علي قيادته يضبح وناصب طار
رادله الله تنتيف ريش جنـــــــاحه .. وحيل ما بنا من وهم راح دمار