عليش انديرو فيهن

السلام عليكم ورحمة الله وبركاته
بصراحه في حركات غبيه نديروا فيها في حياتنا اليوميه >> أنا منهم ....
و نحنا نعرف انها غبيه ومع ذلك نديروا فيها لييييييش؟؟ مش عارفة!!
المهم منبيش أطول عليكم.....


* ليش اذا كانت بطارية الريموت كنترول ضعيفه
نضغط بقوووووه على الأزرار؟؟؟؟
>>يعني يدي بتشحن البطاريه


*ليش نوطي صوت المسجل أو الراديو
في السيارة اذا ضيعنا الطريق؟؟؟
>>يعني هكي نعرف الطريق ؟


*ليش اذا شفنا على الجدار:
احترس من الدهان؟...مانصدق ونجرب بأصابعنا..
>> يعني لازم يحلفون


*ليش اذا تأخر المصعد نضغط على الزر مية مرة؟؟؟
>>يعني هكي بيحس على دمه وبيفتح


*ليش اذا نشرب البيبسي ونخلصه نهز العلبه؟؟
>>يعني متحسفين على اللي بقى


*ليش اذا نكون قاعدين بمكان عام ونسمع رنة مسج ولارنة موبايل
على طووووول نشوف موبايلنا؟؟
>>ليييييش حضرتك مهم لهالدرجه علشان يرن بين هالبشر كلها !!


*ليش اذا لعبنا بلاي ستيشن (لعبة سيارات) نلف مع السيارة
اذا تحرك يمين ويسار؟؟

فعلا ليش نوطوا في مسجل ولا الراديو قوية ياطيب منور

كلها ردود فعل لا اراديه وعفوية وبعضها للتركيز مثل خفض صوت الراديو لان الضوضاء تؤثر علي التفكير ..

فعلا طيب وياريت بدل الببسي تكون سفن اب لهز العلبه

بارك الله فيك على هذة المشاركة