لو فى القلوب قبور

لو في القلوب قبور *****كم قبر في قلبي اللي محفور
ومازال ينبض
لو كان فيه مقابر ****كم قبر في قلبي جديد وغابر

ماقدرت ننساهم ولاكن صابر****في القلب ندفنهم ونا مقهور

افراقهم يحز النفس ماهو عابر****لا ينتسوا في يوم لا في شهور

وفيهم اللي لا تو غير انكابر****جرحا مايبدد بالنزيف ايفور

اصحاب المواقف يقطعوا فالدابر****اللي يشهدوا بالحق مي بالزور

ايجوا كيفهم لا ريت لاني خابر****لا فيه ماظني ولا صيور

مامن حي ******اساع ندفنه وانقول نا من لي

واندير عزا يربخ وانصفق دي****علي من دفنته ولدفنته مجبور

حتي انكان خايني يعز علي****اندير مقبرته بي باب وسور

واندير له ذكري ونشعل ضي ****وبيدي علي قبره انحط ازهور

افداه من فقدته وقاعد حي ****كم سطر نعي اندير للمذكور

نلقان فقدته غالي امأثر في ****انسجل علي قبره نصيب اسطور

ونقبل تعازي من اصحاب اتجي****ايقولوا خذا سوك وكون صبور

وماعاد شكله يشكل شي ****امغير هي الصوره ونعيها منشور


نسكت نار نشكي امرار**** نبكي عيب نكمي واعره

منور ياخوي حمدي

قصيده حلوه بس علي فكره راهي ماينتسو في يوم مش في بوم
منور يابوعريف

نسكت نار نشكي امرار**** نبكي عيب نكمي واعره
مشكورين ياعيت المرتجع

منور علي القصيدة وفكنا من التقسيمات القبلية

مشكور على هذة المشاركة الجد قيمة

مسكور حوي حمدي ع الفاهق من غادي

شكرا على ماقدمت وبارك الله فيك