لشاعر امهدى بشير إنداقت وماقيها جن .. عزيز إرهن .. العين كربها عرق الحن

إنداقت وماقيها جن .. عزيز إرهن .. العين كربها عرق الحن
إنداقت ماقيها ينزف .. عليها هف .. عيون اللي طايب عالكف
اللي بوع دوار صدف .. وشوكلهن .. مدابر طابن فوق مسن
وهذب ملضلم ومعكف .. مزوقهن .. سناقي مامن اللي خجن
وجرعود وخد يلصّف .. منين ضون .. ابارق في غيم اشالن
ودور زناكيل لفايف .. يميح إشون .. ركيب يوم ضما عالطن
حزام اللي يعرق ويجف .. منين إنجن .. احديه مساحين يطرن
خبر حطب عالنار علف .. وحياهن .. تلاقن فوق الكبد ألسن

إنداقت هفوها لقدم .. الماقي جم .. ذرف عالجاله مطليم
اللي ما لوعه ضاق أسلم .. وما يفطن .. الميس طول الليل ايحن
واللي مسدا صوبا انصرم .. امجربهن .. محاور عالجفن ايباتن

إنداقت ماقيها ميزاب .. غرد لرقاب .. ألعب بين سواقيها راب
هناك اللي ما حط ركاب .. علي حارن .. كتب فارس يوم تلاقن
عليه تراجيب الهدراب .. أشهر بيهن .. وهو جاي دليل مطلين
صمل يوم مداعكهن هاب .. اللي قحشن .. خزاين بوهادي قسمن
معقب كشلة من الخياب .. أصحاب افتن .. طوالق بين الناس اللسن
تعجب في قولة بعجاب .. منيش جلن .. اللي ما تحت الروم حطن
حشاهن من قولة كذاب .. اللي منهن .. أجراس الفاتيكان ثغن
شهر صف البر وما جاب .. عليه فنن .. الوطن وحق العيش عطن
عقود يهدن عاللهلاب .. صخب لضمن .. تعامن عالموت إزابن
اللي صادرهن راح هذاب .. عليه وطن .. مزايع بين حوافر حن
اللي عالتركي مان رطاب .. هزب منهن .. علي مد الميري عصن
سحن في وسط رحيهن ذاب .. اللي خلن .. ملاحم فالتاريخ ضون
إن كان جنح عنهن غيهاب .. ملاحمهن .. علي الباب العالي خلدن
كدر عام إحداش الهن جاب .. امنين رسن .. علي شط الكنار وطن
والله ما منهن والي غاب .. هدد هدن .. علي قلة لفزاع لهن
هناك تلفنه لنياب .. اللي خنخن .. مضايغ تحت الخيل سحن
منين الرومي ضنه خاب .. صهد منهن .. جنابه بالقزير رفن
نهار الرجله بيع رقاب .. الموت شرن .. علي النار الحمرة لهدن
اللي منهن وفن لكتاب .. امكرمهن .. افدا وطن شهادة طالن
ولخرات الموم المصاب .. قفول مشن .. خلل ما ليد تعاندهن
علي رقراق يدير سراب .. معاه صرن .. نغر ما للهانا قعدن
عمرك ريت نداوي وغراب .. رفاقه جن .. تخاون عالحوزه غارن
إن كان هتاريش الهذراب .. أفرح بيهن .. البكمة طاحت في لاخن
أقدع ضرنك يا هضاب .. تبعهن .. تهبي بين مجامرهن

إنداقت وماقيها جن .. عزيز إرهن .. العين كربها عرق الحن

مشكور علي القصيده
وان شاء الله انشوفو منك كل جديد
تقبل مروري

احسنت نتظر منك الجديد

مشكور على هذة المشاركة الجد قيمة