تصلى يانار غوالينا::لشاعر فاروق طبيقة الورفلى::

تصلى يانار غوالينا::لشاعر فاروق طبيقة الورفلى::


مجرودة
::تصليـ يا نار غوالينا::
((اتبكيـ ولله))

اتقول المجرودة
**********
تصلي يانار غوالينا
يلي بوقه بــيك ابـــليـــنا
منك للحضار شـــكيـــنــا
مـولانـة عـالـم مـابــيــنـا
لوكان الــعـون امــواتـيــنا
ماجرنـــان عزيز انســـينا
لا بــنار فــراق شـكـيــــنا
لابالتــــمويــح تـــقاصـينا
لاعن الاقسام تــخاطـينا
لا دار الحــــبان جـــفيــنا
لا جــارن لـيــام عـلــيــنا
لابــــــفراق عزيز رضـيــنا
لا يشـــــــمت والى فينا
لا بلــكــــــاس المر روينا
لاتنقـــــال عطيبه فيـــنا
واليوم انجــضــوا تـــمينا
ما فيهم طـباب علــــينا
كان الغصة تسحن فـينا
جلينا للكفار مشــيــــنا
وين بدى غالي حسينا
ويـنزويـله هــف عـلـيــنا
عـنـقولك نـبـوه قـسـينا
***************
غالي ماغـيره غــالــيـنا
عنـــا مــــــتـــباعـد يادار
=========
الايا دار الـــــحبان جفانا
غالـــــينـا ورتــاح غـصانا
تحـــلف ما ساعة غالانا
لا كان ايراجى فى لقانا
لا ساقن لنـــــضار حدانا
لا قولنا لا طــــار رجـانــا
لا فزاع منامــى هـــانـــا
*******
شارد طول الليل حزانا هلى بفراقا صمار
================
هلى بفراقا دوبنا
للياس الجاير ســيبنا
والموح اطوال عــــتبنا
والقل مكبر نايــــــــبنا
تيار العازة نافــــــــضنا
والهم امجليه طــــربنا
يطرب بيه انكان قربــنا
و الجرح الروزة سالـبنا
منا وين عليك دهبــنا
والنار اتزازى بحطــبها
رقين لافوق لهايـــبها
والحظ معاك تغالـــبنا
يفزع فلى ما يعجـبنا
وتغيب فى ساعات كربنا
*****************
ديما يا عين مصايبنا فى سوق الغيا تكبار
===============
يا فى سوق الغية و وهامة
والـصوب ولطات قـسامة
والـــضــيم و جـورة ولامة
منا شــال الخاطر يامة
هو حمــــال وهـى برامة
ريح اقـسام لفت هـدامة
شالت بيت غلا يارمـامة
ما عدت عــقلى ومـلامة
********
قاصر على المرهون كلامة عقلى مو لاقى دبار

--------------------------------------------------------------------------------

مشكورة ياوخيتي على مرورك العطر

السلام عليكم

للأسف الشديد هذه سرقة اذبية

لان المصدر الأول لهذه المجرودة على الشبكة العنكبوتية

هو ورفلة تعلت
انا و اعود بالله من كلمة انا

اختى عند نقل المواضيع الرجاء دكر المصدر

او اكتفى حتى بكلمة منقوووول

لان هذه الأشياء الحصرية

نتعب حتى نتحصل عليها من الشاعر نفسه

واكيد فى ناس زينى

تحياتى لك

وصح لسان صديقى الشاعر فاروق سالم ازناد اقلاش اطبيقة الورفلى

من سكان وادى بى الكبير

مشكور ياخوي على مرورك

وانا كاتبة اسم الشاعر لو انك لاحظت

ومانسبت القصيدة لنفسي على شان تقول هالكلام كله

وبعدين زي ماانت تقول انك خذيت القصيدة من الشاعر نفسه

فيه مليون واحد غيرك واخذها من الشاعر نفسه

يعني مش معجزة انك خذيتها من الشاعر

وبعدين اللي يشبح بصلتك محروقة ايقول انك انت اللي مألف الكلمات هههههههههههههههههههههههه
مش غير واخذها من الشاعر

وبعدين هالحال كله غير على شان واخذها من الشاعر؟؟؟؟

امال كاني نزلت قصيدة من كلماتك شن درت فيا

عليك حال والله

وبعدين خلي اسلوبك لبق اكثر من هكي لو سمحت

انا ماغلطت في حقك ولا في حق غيرك

نزلت القصيدة وكتبت اسم الشاعر اللي قايلها وهذا فقط اللي مطلوب مني

وكان بنديروا زي ماقلت انت بكتبوا اسم الشاعر والشخص اللي واخذ القصيدة من الشاعر ماعاد بتحز بكل بتمتلي الصفحة غير باسماء الاشخاص واضيع القصيدة

وبعدين مافيه حد بيعلقلك مدالية على شان واخذها من الشاعر

فهدي روحك وتريح سلم وخيي بلا حرق اعصاب

مشكور يامحمد على مرورك

الاخ هذا علاش مسجل غير بيش ايقول هالكلمتين ويمشي

ههههههههههههههههه انقنك بنت امك هههههههههههههههههههههه انا موش شوري الموضوع خفت

لا العفو
ولو ايش درنا نحن هضا واجب علينا هههههههه
اي خدمه في اي وقت ادللي ما ايهمك شي

لا خليه شوري ولا يهمك

عارف اتهني
بس هدي من روعك اشويا وحكمي عقلك الراجل ضيف
جفل ههههههههههه

والله الضيف يقدر العرب مايغلط فيهم

وبعدين كان بيقعد مرحبتين بيه

وكان بيعدي بسلامته

السلام عليكم

انتى تتكلمى على الاسلوب و اتقولى احترم نفسك

شوفى اسلوبك و بعدين تكلمى معاى

القصيدة مافيش ولا انسان خداها من الشاعر الا انى

لانها حصريا

ولو تبى رقم الشاعر تتئكدى منه من عيونى

واليوم اتكون نازلة فى المنتدى مسموعة من تسجيلاتى

انتى حتى نقلتى الموضوع ما غيرتى فيه حتى حاجة من التنسيق

حتى كلمت اتبكى ولله اللى انى كاتبها

حتى من الرموز فى العنوان :: ههههههههههههههه

المهم يا ستى انى اسف على الأزعاج

المهم هيا اول مرة على الانترنت عن طريقى و ليا الشرف

والمجرودة قالها مرتين فى فقط الشاعر

فى افراح ورفلة فى طرابلس شهر 3 اللى فات عائلة ال كميع

والمرة التانية من اسبوعين فاتو فى فرح خوه فى وادى بى و كنت من المدعويين


وانتى زيدى تئكدى من كلامى زيييين

وديرى بحث فى القوقل بئسم المجرودة

تلقى اغرب المنتديات موجودة فيها مسموعة و مكتوبة

بواسطة ورفلة تعلت فقط

تحياااااااااااتى لك

الكلام اللي قلته كله ما يغير شي

وانا ماقلتلك انت مش واخذها من الشاعر

لكن وخذة قصيدة من اي شاعر ليس بالامر الصعب

ومعروف في منتدى الشعر كل القصائد النازلة هي نقل

لكن ليس من شروط المنتدى كتابة الشخص اللي واخذ القصيدة من الشاعر

المطلوب هو كتابة اسم الشاعر ان وجد

يعني حتى لو انك لقيت قصيدة ونقلتها وانت مش عارف اسم الشاعر يحقلك نقلها بس تقول انها مش كلماتك الشخصية

يعني معقولة في كل قصيدة بنكتبوا اسم الشاعر واسم الشخص اللي خذاها من الشاعر

وكانك بتبع القصيدة هذي في الشبكة العنكبوتية بيش تشوفهم كاتبين اسمك والا لا معناها ياقعادك حاصل في روحك

الاعتراض هذا يكون من حقك في حالة وحدة فقط

وهي انك تكون انت شخصيا صاحب الكلمات والقصيدة

غير هكي مش من حقك الاعتراض يااخ ورفلة

وكونك نزلتها مسموعة عادي بارك الله فيك لكن انا سبقتك ونزلتها مكتوبة

عموما اهلا بيك في منتدانا اخ عزيز

نورت بيتك الثاني يااخ ورفلة

لكن كلامك مابيمنعني من نقل القصائد اللي تعجبني من المنتديات الثانية

وربي يعطيك الصحة على وخذة القصيدة الرائعة من الشاعر لانك انت سبب انتشارها في المنتديات

اختى مش شرط دكر اسم الشخص اللى وخدها من الشاعر

اكتفى بكلمة منقول

و دائماً حاولى التمييز فى مواضيعك

حتى عند النقل حاولى من تغيير التنسيق الكتابى و الشكلى

وتحياتى لك

انا عجبني بالتنسيق اللي هو فيه

وبالنسبة لكلمة منقول مافيش داعي ليها لانه هو معروف انه منقول

ومشكور

هدا تنسيقى انى و اعود بالله من كلمة انى

وكيف معروف انه منقول ؟؟؟؟؟

كان موش منقول معنها هي الي كتبتها يا غالي
منقول

نلقنك دهشتني

فيه منتدى اسمه منتدى الخواطر

منتدى الخواطر او قسم الخواطر في منتدانا لازم لما تكتب فيه اي شئ شرط انه يكون من كتاباتك الخاصة

لكن منتدى الشعر الشعبي معروف مسبقا ان كل القصائد اللي فيه منقووووووووووووووووووووووووووووووووووولة

فهمت يابعدي والا مازال

الله يسلك

مشكوره عزيزتي علي المجهود في نقل القصيده لكي كل الششششششششششششششكر

مش عارف ليش انتعب فى روحى انى

المهم القصيدة المصدر الاصلى هو انى

والكتابة اللى اللى كاتبها بتنسيق هدا اللى منقول بيه

وتحياااااااااااااااااااااااااتى

ولله يسلك

وحق الله عرفنها وقسما بالله عارفين
والله انتي الي خذيتها من الشاعر
ودلع اشفطتها منك
الله اياسمحك يا دلع

انت قول ايش الي يرضيك بس وحاظر يا بركه

لالا انى عادى جداً

غر العناد منحبه

وكلهم وقفو فى صفها

لانى جديد معاك فى المنتدى


اهو مسيبه ليكم واسع و عريض

تحياتى

ماحد صبا امعها يا راجل كنك اتحسس
البنت قالتلك اسف وما غلطتش
وكاتبه اسم الشاعر
خلاص فكنا من الموضوع وبلاش مشاكل
عهدي بيكم يا ورفله ناس بعقولكم وعندكم لومه
وتقدعو
خليك امعاناعضو واخ وصاحب

نورتنا ياغالي

ورفلة تعلت

محمد اللافي

عطر المنتدى

زهرة اللوتس

نورتوا قصيدتي بمروركم الرائع ياغاليين

اسف على كل شى

وبارك لله فيكم

كنت ضيف خفيف و اصبحت اخ عزيز

بسلامة الله

كنت اخ عزيز واصبحت اخ عزيز وستظل اخ عزيز

شرفتنا بوجودك معانا

سامحنا غير لنا في العناد حشيشة ههههههههههههههههههههه

مشكور ياستارنا الغالي على المتابعة المستمرة والتشجيع الدائم

وسعو بالكم ياجماعه صلو على النبى كانكم نازلين فى الضيف عطوه 3ايام بعدين ساهل

هذا مش ضيف ياخوي بوفطاحة

هذا صاحب بيت وصاحب مكان

الاخ ورفلة تعلت هو اخ عزيز وواحد منا وفينا

مشكور على مرورك