ماهو جديد نكدها

من طرف بوالفرايس 2009-05-16, 9:18 am

ماهو جديد نكدها ......واخده علي سوق الرحيل وحدها ..........العين ياعرب

وشارك في هدا البيت اسامة وقال:

ماهوا جديد كدرها ..... من قبل تزعل وتاخد علي خاطرها ..... ولاهناك من جاها ولا عبرها.....تقعد تلاجي بلهموم وحدها

ديمة الشقا والهم مصدرها.......ابكاها علي الغارب اليوم هردها

عيني دعية وقتها جابرها........تحمل سواياهم طياح سعدها

مدكرتهم وماحد مدكرها ........ تستاهل شقاها بعد طول عندها

تفاجت بلي حبها ونكرها ........ اللي قال مايزها ايام بعدها

اللي قال انصونها ونسترها........اليوم فارقها وزاد نكدها

اللي قال لو نفنا علي خاطرها....... بلا قول سيبها ومانشدها

وهي تو تدردر يهيم بحرها ........ ودمعها شمت بها حاسدها

شن زرها ع الصوب شن جابرها.....بعد كانت في هناء مسعدها

دبلت وبديت قاصرا فنضرها.......ماي حاسبة اللي ضرها مرودها

فلخفا تبكي علي غادرها ......... ودموعها جفن علي مرقدها

مع غيرها شبحت عزيز قهرها......كمدت مواجعها الشوق صهدها

تطلب المولا ربنا يصبرها.......يبدل زهاها وصوبها يجددها

وتفرح وتنسا من كسر خاطرها ....وتعيش فهنا وتبعد علي حاسدها

ماهو جديد نكدها ......واخده علي سوق الرحيل وحدها ..........العين ياعرب

من اشعار.........اسامة المقرحي