شباب بلادي ياثوار

من طرف فداليبيا 2011-10-18, 8:11 am

ياشباب بلادي ياثوار
صحيح انتو أحفاد المختار
في كل مكان بنغازي ودرنة والبطنان
البيضا ابطال وشجعان
هدفهم واحد ف المشوار
جلوه الهم. ضحوا بالروح وبالدم
إيريدوا الخير علينا ايعم
والجار ايحن علي الجار
دارو غاره بطيارين صقور عصاره
قفزوا رميوها الطياره
توا في أجدابيا تذكار
الــقـــبة شجعان.
فزعوا بقوة لجيران
شحات ولبرق يمأن
لز كتايب بومنيار
مصراتة جوها كيف لهيب النارلقوها
ظناها ضحوا ماخلوها
فيد اللي غازي ع الدار
شباب بلادي ياثوار
صحيح انتوا احفاد المختار
عرب مطروح أخوتنا دوايين اجروح
فزعوا بالمال وبالروح
اعترضوا علي فينا صار
جوم الضبعه. شوف خير المصري في طبعه
تشرب من نيله ومن نبعه
عربنا ماجونا خطار
الزنتان لقاها بماله ماغير مبداها
علي خير الامة مسعاها
شرق وغرب بكل أسرار
قالوا نالوت نحنا معي الشراقه خوت
أيدينا في أيديهم للموت
بحكمه متخذين قرار
الكفره لهوه خذواسلاحه وماله ورخوه
شعب واحد ليبي نبوه
يوحد بالله القهار
شباب بلادي ياثوار
صحيح انتوا احفاد المختار
ضربات قوية. ضحاية ف الزاوية بالمية
همتهم بالله قوية
نين ايجيبوا لنتصار
من خلوها هي العاصمة طرابلس نبوها
أنحبوا بعضنا ونحبوها
ليبيا تبقي دوم عمار
شباب بلادي ياثوار
صحيح انتوا احفاد المختار

[/quote]