فرخ ليبي خطير

من طرف tweety nano 2011-12-18, 5:26 pm

صديق الوالد : السلام عليكم ورحمة الله وبركاته

الفرخ : وعليكم السلام ورحمة الله وبركاته

صديق الوالد : كيف حالك ياوليدي وشن حال بوك ان شاء الله تحسنت حالته بس ؟

الفرخ : الحمد لله ياعمو .. بس بوى الله يرحمه توفى

صديق الوالد : لاحول ولا قوة ال بالله .. إنا لله وإنا إليه لراجعون .. هو الفترة الأخيرة كان ديما يشكيلي من قلبه .. الله يرحمه ويوسع عليه ..

الفرخ : بس بوى ماماتش من مرض القلب

صديق الوالد : ؟؟؟

أمالا من شنو مات ؟

الفرخ : الله يرحمه فى الفترة الأخيرة ضعف نظره هلبا ومعاش بدي يفرز كويس .. وفى يوم من الأيام وهو طالع ع البلكونة ماشافش حاشية البلكونة .. يمشى يطيح من البلكونة ع الشارع وزى ماتعرف احنى نسكنوا فى الدور التالت

صديق الوالد : لاحول ولاقوة إلا بالله على هالموتة .. الله يرحمه ويحسن إليه

الفرخ : والله ياعمو تشحطنا هلبا ودرناله 12 عملية لين تحسنت حالته وبدى كويس ..

صديق الوالد : أمالا كيف مات بوك ؟؟؟؟

الفرخ : من بعد هالحادث بدي يستعمل فى القيلات ( عكازات ) ..

وفى مرة وهو قاص الطريق تضربه سيارة تجري ..

صديق الوالد : ان لله وانا اليه لراجعون .. الله يرحمه ويوسع عليه الفرخ : بس ربك رحيم ياعمو .. بالصدفة جارنا عياد خاطم من غادى وسعفه ورفعه للمستشفى .. بس كان عنده نزيف داخلى رهيب وماقدروش يوقفوه الدكاترة

صديق الوالد : الله يرحمه بكل الأحوال

الفرخ : بس سفرناه أيطاليا وقعدنا قريب 6 شهور وأحنى نعالجوا فيه والحمد لله تحسن صديق الوالد : T أمالا كيف مات بوك يافرخ ؟

الفرخ : صارله فشل كلوى حاد وقعدنا ندوروله على حد يتبرعله بكلية وتأخرنا وماحصلناله كلية .. وصار معاه تسمم ..

صديق الوالد : الله يرحمه ارتاح والله

الفرخ : بالصدفى جى واحد صديقه ويعرفه من زماااااااااان تبرعله بالكلية باخر لحظة ..

صديق الوالد : لاحول ولاقوة الا بالله .. يافرخ امالا كيف مات بوك ؟

الفرخ : والله مرة وهو معكس بروحه فى الحوش ومخلى الغاز والع .. ودورة تولع النار فى الشقة كلها وهو فيها

صديق الوالد : يالطيف على هالموتة مبشعها .. الله يرحمه

الفرخ : بس جارنا صالح الله يجازيه بالخير لما شاف الحريق كسر باب الشقة وخش أنقد بوى فى آخر لحظة صديق الوالد : واااااااااااك نفختهم ياولد .. .. فهمنى كيف مات بوك ؟

الفرخ : والله ياعمو وهو راقد جينا بنوضوه لقيناه متوفى الله يرحمه