اخر كوارث سيادة المستشار الموقر مصطفي عبدالجليل

والله كبد علية علي قد ما تبي بس كونه يد بيد مع 17 الي سما اسمائهم في قضيه عبدالفتاح هذي ماحد ينكرها يا غالي والمصدر من الشباب الي في ميدان الشجرة

المفروض يحسم الامر مصطفى عبدالجليل:

اولا هو قال ان بيعترف على المتهمين بمقتل عبدالفتاح يونس ماصاااااااااااااار شى

ثانيا قال ان فى شخصيات متهمه بالفساد فالمجلس الانتقالى وحيفصح عنها قريب وماصار شى

ثالثا جميع مظاهرات تصحيح المسار مش عاجباته وقال حركات طابور خامس وايضا مافش حل وماصار شى

الثوره لازم ان تصحح

امغير يطلع ينفي الكلام الي قاله عليه علي العيساوي قبل وبعدها ساهل
علي العيساوي في التلفزيون والصحافه والنت قال الي ذكر وحكا علي قصه خيانه عبدالفتاح مصطفي عبدالجليل شخصيا
ثاني يوم طلع سيادة المستشار سمي 17 الي في القائمه
ليش مانكر كلام علي العيساوي

شوفه كلامك خطر عليا

مقوله اليمه اكيده ماره عليك

سير ونحن معاك يا

..........

والله انا ما نجبرك علي شي
بس انا من بنغازي حول قصه اني اعبيدي بس يوم 19 -3 ما شفتش الا الشهيد عبدالفتاح ومعاه واحد ثاني اصله من البيضاء والله انسيت اسمه و خليفه حفتر بس خليفه ما شفته بعيوني للامانه اما الباقي كلهم
عينك ما اتشوف الا النور وهضا كان عندي اكبر مقياس انا نعرف الي صبا صبا يوم 19 -3
لذلك ماعنديش اي ثقه في انسان جميع تصريحاته غلط مانبيش انقول كذب ويدعم في مليشيات مسلحه مجهوله الهوية ومتجاهل الامن وتكوين الجيش

كلمة حق المستشار مصطفى عبدالجليل صورة فقط والذين يسيطرون على كل شي الان هم الاخوان المسلمين والجماعة الليبية المقاتلة وهم الذين قتلوا عبدالفتاح يونس ومحمد خميس وناصر المذكور

• 
  


• 
  
• 
  
• 
  
• 
  


• 
  


• 
  

رد: اخر كوارث سيادة المستشار الموقر مصطفي عبدالجليل


من طرف شوفه نار كابره اليوم في 2:28

مشكور اخي العزيز علي المتابعة والتصفيق الحار

تقديعك على لوهام.....سبب عماك ياعين نالى

مشكور يا بوفرقة
نحكو علي مستقبل وطن ونسأل الله الهداية وان يولينا خيارنا

ياجماعه را مصطفى ماشي في موضوع السياسي بالبركه . راجل قانوني ماعنديش في السياسه ابداً . كلنا شفنااخطائه .

انا نبيه يعطينا ارقام و حقائق من جميع اعضاء المجلس . مثلاً كم صرفوا و شنوا داروا و شنو يبو يديرو. يعني شويه شفافيه .

بس التاريخ ياشهدله عطه رقبته في بدايه الازمه و وقف معانه.

انا انقول كان شلقم يمسكنا شوي لعند ماننتخبوا رئيس على الاقل رجل يعرف في السياسه و علاقات الدول ... و طبعاً هذه رأي الشخصي

هذا احد جذور معمر فى الوطن يا فيصل لانبوه ولا نبو شكله من المتسلقين عندنا شهداء نحترم دمائهم كما نحترم رائيك اخى فيصل....شكر للجميع

كلامك صح بس ممكن سؤال
هل ممكن ان رجل قانون ومستشار ايدير التصرف الي دارة بأعلان اسماء المتهمين علي العلن وهوا اكثر شخص عارف انه اجراء خطأ
علامه استفهام كبييييييييرة علي التصرف من رجل قانوني

انا معاك في التصرف هذه . لكن ممكن يبي يهدء من صوت الناس و انت تعلم شن دارو الاعبيدات في الوقت هذاك. ضغطوا عليه واجد.

لا لا لا لا انا كنت غادي مافيش اي ضغط يا خوي افطن راك ناسي الشهيد امتي استشهد وامتي كان الاعتصام وفي حاجات انت ممكن اتكون مانك عارفهن لو تعرفهن توا تعذرني كان كل يوم ايجو ناس من الجيش واللجنه المسؤولة من قبل علي التحقيق ومعاهم اوراق موثقه وكلام مسجل علي حاجات اتخوف علي سير التحقيق وشن صار فيه
وماكان في اي ضغط اعتصام عادي ناس متجمعين في خيمه قدام تيبستي بدون فوضه او اي خراب او تهديد

من هم الخونة الان ارجوا من اي شخص ان ياتي الي السفارة الليبية في القاهرة وينظر فقط هناك العديد من الموظفين مصريون واذهب الي القنصليه المصرى في بنغازى لن تجدوا اي موظف ليبي هل تعلمون لماذا لانه انتقص من سيادة الدوله الليبية فهل هذا معقول

خليها سااااااااااكته

شكرا اخي محمد اللافي

الشكر لله سبحانه وتعالي
بارك الله فيكم علي الوطنية وقول الحق حتي ولو علي انفسكم

مصطفى عبدالجليل لما صرح بي اسماء المتهمين ماغلطش في شي عشان الناس تعرف من الي اغتال اللواء ورفيقيه ومتقلوش هذا ضغط من لعبيدات كان من حقهم ان يعرفو من قاتل ولدهم وعليش لعند توا مفشش سبب مقنع لقتل اللواء ورفيقيه لعبيدات ساكتين نين انتصرة الثوره وكان يقدرو انهم يخربو الثوره لي يقول خاين عندنا امعهم كلام اخرى ...
بالنسبه لي عبدالجليل بارك الله فيه لوقوفه مع شعبه .

المستشار مصطفي بارك الله فيه والشهيد عبدالفتاح يونس شنوا

اكبر خطأ هوا ذكر اسماء علي العلن لو في حد قانوني ممكن تسألية توا يشرحلك

شن قصدك يا ميرسلاف في الي قلته

الي قلته يامحمد اللافي كلاصح ..... وعلى قصة 19/ 3 كان في شخص اخر
مع عبدالفتاح وتوا امرشح لي ريئاست الاركان لاكن هو مش اموافق واضن انك تعرفه اسمه عبدالسلام جادالله لعبيدي

مزبوط اختي انا نحكي علي اعضاء المجلس اختي عبدالسلام جادالله وبوحليقه وعبدالسلام الحاسي وبوخمادة وحامد الحاسي وكل العسكرية والثوار الشرفاء الحق انهم وقفو صح
بس انا نحكي علي اعضاء المجلس يوم 19 -3

فهمت قصدك ان الاعضاء الي في المجلس ماكنوش قاعدين يوم 19/ 3 وتوا مسكين مناصب

قصدي انا نبي الي ايقول ان فلان او علان وقفو مع الشعب ايفهمني فيش وقفو وهما في اشد الظروف وعند اول اختبار هربو من الميدان

في هذي صدقت فلان وعلان عباره عن متسلقيين حتى الجبهه ماحقوهش بي عيونهم ولا ضاقو النار

ونسيو نار الاخرة توا ايذوقوها ان شاء الله