إعلانات المنتدي
المواضيع الأخيرة
بحـث
شعر عن الناس
2 مشترك
صفحة 1 من اصل 1
شعر عن الناس
هناك ناس تكرههم من اوّل ليله
وهناك ناس ما يهُونوا سْنين طويله
* * *
هناك ناس حبايب
وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله
* * *
هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله
* * *
هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله
* * *
هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله
* * *
هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله
* * *
هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله
وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره
علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله
والجَّدِي لو تقَوَّى نين فات حَكاره
ان يَبْقى علي شَيْل الحْمُول هَزيله
وشْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله
* * *
هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله
* * *
هناك ناس تكرههم من اوّل ليله
وهناك ناس ما يهُونوا سْنين طويله
وهناك ناس ما يهُونوا سْنين طويله
* * *
هناك ناس حبايب
وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله
* * *
هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله
* * *
هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله
* * *
هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله
* * *
هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله
* * *
هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله
وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره
علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله
والجَّدِي لو تقَوَّى نين فات حَكاره
ان يَبْقى علي شَيْل الحْمُول هَزيله
وشْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله
* * *
هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله
* * *
هناك ناس تكرههم من اوّل ليله
وهناك ناس ما يهُونوا سْنين طويله
meme almansory- فريق
-
عدد المشاركات : 3297
العمر : 27
رقم العضوية : 8815
قوة التقييم : 2
تاريخ التسجيل : 11/12/2011
رد: شعر عن الناس
بـــــــــــــــارك الله فيـــــــــ ـــــــــــك اختيــــــــــار مــــــــوفــــــق
اسماعيل ادريس- مستشار
-
عدد المشاركات : 15213
العمر : 49
رقم العضوية : 1268
قوة التقييم : 66
تاريخ التسجيل : 28/02/2010
مواضيع مماثلة
» الناس في الإحساس تجاه أنفسهم وتجاه الناس أربعة أنواع:
» شعر عن الناس
» من تعز من الناس؟؟؟
» من الناس
» مع بعض الناس ....
» شعر عن الناس
» من تعز من الناس؟؟؟
» من الناس
» مع بعض الناس ....
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
اليوم في 11:04 am من طرف STAR
» طرق فعالة للتخلص من الناموس من دون استخدام المبيدات
اليوم في 11:03 am من طرف STAR
» اتحاد جدة السعودي يستقر على بديل صلاح
اليوم في 11:02 am من طرف STAR
» ستيك اللحم بصوص الثوم
اليوم في 11:01 am من طرف STAR
» الصلاة علي رسول الله+الاستغفار+ذكر الشهادة+كفارة المجلس
اليوم في 10:36 am من طرف STAR
» جملة قالها محمد بن سلمان لمحمود عباس تثير تفاعلا واسعا
أمس في 9:48 am من طرف STAR
» تضخم "البروستاتا" عند الرجال.. إليكم أبرز طرق العلاج والوقاية
أمس في 9:45 am من طرف STAR
» سلطة جبن الفيتا بالأفوكادو والحمص
أمس في 9:44 am من طرف STAR
» ميزات جديدة في "تيليجرام"
2024-04-30, 10:15 am من طرف STAR
» هل من الضروري غسل الأرز قبل طبخه؟
2024-04-30, 10:13 am من طرف STAR
» نشاطات سياحية صيفية لا تفوت في مدينة بورصة التركية
2024-04-28, 9:56 am من طرف STAR
» مواصفات جبارة.. فيفو تبهر جمهورها بقدرات Vivo X100 Ultra
2024-04-28, 9:56 am من طرف STAR
» خطوات لسلامة طفلك عند تدريب السباحة
2024-04-28, 9:55 am من طرف STAR
» مضاعفات متعددة لقرحة المعدة.. هذه أسبابها
2024-04-28, 9:54 am من طرف STAR
» نصائح لحماية اليدين من الاسمرار خلال فصل الصيف
2024-04-28, 9:53 am من طرف STAR