للأسف هـــــــذا الواقع ...

من طرف شموخ انثى 2012-01-16, 9:50 pm

ممكن ثورتنا سرقوها .... ويمكن في الواقع مازال
يمكن مجلسنا لعبوها .... يبو السلطة ويبو المال
كراسيهم نحنا نبوها ..... مصنوعة بخامة تيفال
ياما من دوة قالوها .... تعاكس وتنافي الافعال
يمشو للدوحة ويجوها ..... ونسيوه الدم اللي سال
... المفروض بلادي يحبوها .... تكون الغاية والموال
فلوس التجميد يراجوها .... ما ملي واتي بشوال
كلمة قالوها ونكروها .....المجلس بعد الاستقلال
مناصبهم دغري ينسوها .... يبقو لبلادي عمال
كذبة صاغوها وقالوها .... جو معمر جو اعيال
لكن والله ما نخلوها ..... بلادي جيابة الابطال
بأرواح غوالي نفدوها .... بثورة عاشنها الاجيال
نبو نشوفو امن ودولة .... ونبو تصحيح المسار
ما نبو بلادي مشلولة .... وما نبو غلوة الاسعار
مصارف ما فيهن سيولة ..... وبزنس درتو للتجار
مدير المصرف وذيولة .... طبو في ايدين الثوار
... ... معاهم سيارة منتولة ....عملة ليبية ودولار
عيب عليكم صفقتولا ..... يوم انتقدوه الثوار
والميدان اللي صبولا .... ماهم من طابور العار
يجيهم ما يبو يمشولا .... في الميدان فضي نهار
يبو في بلادي يحكولا .... عالمتسلق والسمسار
وجرحانا يبو يشكولا .... ما يبو طب المنشار
ولكن هو داير جولة .... ماهو فاضي يا الاحرار
عدا للطليان بطولا .... يجدد في عقد المنهار
وياريت تعدو تقولولا .... ما تنسى فضل الثوار

تأليف خالد العقوري

من طرف **عبدالحفيظ عوض ربيع** 2012-01-17, 7:05 am

من طرف شموخ انثى 2012-01-17, 12:39 pm

للأسف هـــــــذا الواقع ...

للأسف هـــــــذا الواقع ...

رد: للأسف هـــــــذا الواقع ...

رد: للأسف هـــــــذا الواقع ...