ملاقاة القديم

من طرف opengod2000 2012-01-23, 11:12 am

ملاقاة القديم >> للشاعر عز الدين التريكي

غالي جفاني بعد ما حبيته **نلقاه تاني ربنا ناجيته

لبس خماره ** جي صوب عيني هزني بانظاره
صوته سمعته قلت ماهي بصاره**هدا قديمي كيف ما حسيته
بحر العواطف شالني تياره ** شوره جبدلي شي كيف نسيته
و نا عز ولد اجواد ماهي فخاره **ما قال حد بدمعته نا ريته
ساعة عرفته سال دمعي انهاره ** بكلمات شوقي ليه نا حاكيته
مشتاق يرجع من جديد دياره **ف قلبي مكانك كيف ما خليته
و يرجع نعاس الليل للسهاره **وتمسح عيوني دمع نا راميته
و يرجع الخاطر يمتلا بازهاره ** بعد صار صحرا يوم ما جافيته
و ترجع حلاة العمر بعد مراره ** و ننسى جرح ع الناس نا داريته
و البال ترجع فيه كل افكاره ** و يرجع الماضي بيك بعد محيته
يا نور عيني ينفتح نواره **فصل الربيع في القلب ساعة جيته
نحمد الله و نذكره باذكاره ** في جيبته للي عمر راجيته