جم اللِّيل يا ليلى ثقيـــل* قصير الدرج في كبد الســما

جم اللِّيل يا ليلى ثقيـــل* قصير الدرج في كبد الســما


لا لي لوم يعجل بالرحيــل* ولا لـي لـوم تاتيني اخــرى
صايف فيك مرجاي الطـويل* صيفة جـذر ما طال الثـرى
شلت الصوت في ذيل الرحيـل* لك نـاديت ما جـاب النـدا
جيت نموج مكسور و ذليل* صوتي ضاع في ريح الخـــلا
من فرقاك ودّرت السبيـل* لك بردان كنتــي لي دفــا
لا عــد دل قافلتـي دلليـل * و لا عد شمس ضوّيت لي وطــا
و لا فـي ليل نوّر لي فتيل* و لا عد طير في وذني شــدا
سنين العمـر م الكرب الجليل* ما اسرع كيف ما طارن هبــا
جفّـن كيف يابسة القصيـل* منبهتات بهرجهن طفــــا
كاس الشوق خلاّني هزيـل* نشرب فيه فـي صبح ومسـا
قبلك كنت في النوم العسيل* كيف الطيـر سابح في الهــوا
نرقد وين ما يهجم اللِّيـل* عندي كل ما يجري ســوا
جيتك جـيّ راكبني جفيل* نلعب بين غيطـان العفــا
فجّرتيــه لحسـاس النبيـل* قبلك كان عايش فـي خفـا
فيك لقيت لاحلامي رسيـل* وردّيـات فـاح لهن شــذا
جيتي طيف في عمري دخيل* ماسح كل ما قبله جـــرا
منّيـتيه بالفيض الجزيـل* حلمــي نين في ظلك نمــا
و بين يديـك يا شبه الهميل* صاف صياف بلكل وانتهــى
جيتك مزن باشر بالنزيل* لاطشتيـه بارياحــاً اقسا
طاش انظرك و القيتي خليل* غيري وين في شطّك رســا
غرّك ظل يا ليلـى ظليـل* يامبهاه و معيشة رخـــا
و اللِّي كان عندك مو قليل* طوّحتيه تطّويــحة نـوا
سيّبتيه من غدرك قتيل * بين اللِّيل و اذيـاب الفــلا
يانا اليوم يانا اللِّيى عليـل* عنّي غـاب جيّاب الـدوا
مـايج كيف عالية النخيل* تصفق فـيّ لريـاح القــوا
وين نقـول نستعدل نميـل* نردح كيف ميزان العصـى
راح البين بالحلم الجميـل* قصوري فيه بنيّن ع الخيــا
ع الاطـلال في الدمعه نهيــل* ننادي وين و يرد الصـــدا
لاسمك وين نا نلقى مثيـل* حروفه فيّ نقشن في صفـــا
@_EMAD RMADAN_@

قصيده ولا اروع مشكور خوي  واجد واجد

قصيده رائعه مشكور خوي على هذا الجهد الرائع

لك الشكر اختيار موفق

كلام جميل ووصف رائع تسلم

تسلمواااا