طريقه سهله للصيد بالعوامه علي عمق كبير نسبيا

من طرف **STAR** 2013-11-17, 10:45 am

هشرح طريقه بسيطه للصيد بالعوامه كنا بستخدمها في النيل اما نكون محتاجين نصطاد علي عمق كبير شويه

شرح الطريقه بكل بساطه
طبعا كلنا عارفين ان لو المسافه بين العوامه والتقل كبيره هيبقي الرمي صعب وهتوصل لطول معين وبعد كده هيستحيل انك ترمي
خصوصا لو انت بتصطاد في مكان فيه زحمه
يبقي الحل هنا انك تخلي العوامه حرة الحركه بحيث انها مع الرمي تسمح للخيط انه ينزل من خلالها وعند

نقطه معينه انت هتحددها هتقف العوامه وهيثبت الخيط

نبدأ الشرح علي بركة الله

الادوات المطلوبه
1 / جلب ( خيط ) اي مقاس تحبه

2 / خرزه بلاستيك تكون ذات فتحه ضيقه واعتقد سهل الحصول عليها جدا ولتكن مثلا خرزه من مسبحه قديمه عندك او مسبحه مقطوعه

3 / عوامه اي مقاس تفضله انت وراحتك

4 / ثقل يكون متناسب مع حجم العوامه

5 / سناره او ميدار او سن المقاس اللي تشوفه مناسب للطعم او للعف اللي هتستخدمه

اولا نقوم بعمل عقده في الخيط ( الجلب ) بعد المسافه التي تحددها ممكن بعد 10 متر وممكن بعد 15 متر وممكن بعد 20 متر او اقل حسب العمق اللي هتصطاد فيه وحسب رغبتك انت
ملحوظه العقده تكون صغيره جدا عقده عاديه

فائدة العقده هي منع مرور الخيط من الخرزه وبكده الخرزه تثبت العوامه

ثانيا نقوم بتركيب الخرزه في الخيط

ثالثا تقوم بتركيب العوامه وتجعلها حرة الحركه يعني بدون اي شيء يزنقها الخيط

رابعا تقوم بتركيب الثقل

خامسا واخيرا تركب السناره او الميدار

شكل توضيحي للادوات بعد تركيبها
طريقه سهله للصيد بالعوامه علي عمق كبير نسبيا Mk128817_2

1 العقده
2 الخرزه
3 العوامه
4 الثقل
5 السناره او الميدار

وهذا شكل اخير للسناره بعد رميها في الماء

طريقه سهله للصيد بالعوامه علي عمق كبير نسبيا Mk128817_3

في الشكل الاخير قمت بتركيب انبوب الفسفور علشان الصوره كانت بالليل طريقه سهله للصيد بالعوامه علي عمق كبير نسبيا Biggrin

مفكر نفسه مخرج >>

طبعا الطريقه انا كنت بجربها باستخدام القصبه في الرمي وهي فعاله جدا

ولاحظوا اني قولت ان الخرزه تكون فتحتها ضيقه والعقده تكون صغيره جدا علشان تسمح للخيط بالمرور من فتحات القصبه بدون اي مشاكل
وطبعا العوامه لو كبيره والثقل كبير ومتناسب مع العوامه هتعمل ضغط علي الخيط وهتسحبه من القصبه دون اي مشاكل والعقده مش هتأثر علي امكانية رمي الخيط لمسافه بعيده

تقبلوا خالص تحياتي وتقديري

تطرقا للنقطه اللي نبهنا لنا استاذنا هادر وهي ان اي عقده في الخيط بتضعفه وبتجعله سهل القطع
نعرض لكم بعض الربطات التي قد تكون قويه وفي نفس الوقت لا تشكل اي ضعف للخيط
اولا ربطة المشنقه بواسطه استاذنا هادر
طريقه سهله للصيد بالعوامه علي عمق كبير نسبيا Mk127162_kkk

طريقه سهله للصيد بالعوامه علي عمق كبير نسبيا Mk127162_kkk

صوره اخري لربطه اخري يطلق عليها لدي بعض الصيادين في مصر ربطة المسمار

الصوره انا حصلتها علي الانترنت عباره عن مجموعة صور ثابته
وانا توفيرا لجهد الاخوه قمت بتجميعها في صوره متحركه
مع حفظ كل الحقوق لصاحب الصوره الاصلي
طريقه سهله للصيد بالعوامه علي عمق كبير نسبيا 12637481491

طريقه سهله للصيد بالعوامه علي عمق كبير نسبيا 12637481491

طبعا ممكن نكرر نفس الخطوات مع الخيط الاحمر علشان تبقي ربطه ملهاش حل

صوره اخري حصلتها جاهزه علي النت
طريقه سهله للصيد بالعوامه علي عمق كبير نسبيا 1%20822