منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» مباريات الثلاثاء 2/6/2020 وقنوات الناقلة
 بلآ سلطآنـــه >> مراد البرعصـــي Icon_minitime12020-05-28, 8:40 am من طرف STAR

» مباريات الاثنين 1/6/2020 وقنوات الناقلة
 بلآ سلطآنـــه >> مراد البرعصـــي Icon_minitime12020-05-28, 8:39 am من طرف STAR

» مباريات الاحد 31/5/2020 وقنوات الناقلة
 بلآ سلطآنـــه >> مراد البرعصـــي Icon_minitime12020-05-28, 8:39 am من طرف STAR

» مباريات السبت 30/5/2020 وقنوات الناقلة
 بلآ سلطآنـــه >> مراد البرعصـــي Icon_minitime12020-05-28, 8:38 am من طرف STAR

» مباريات الجمعة 29/5/2020 وقنوات الناقلة
 بلآ سلطآنـــه >> مراد البرعصـــي Icon_minitime12020-05-28, 8:37 am من طرف STAR

» الصلاة علي رسول الله+الاستغفار+ذكر الشهادة+كفارة المجلس
 بلآ سلطآنـــه >> مراد البرعصـــي Icon_minitime12020-05-28, 8:33 am من طرف STAR

» الوه الوه ممكن تسمعونا
 بلآ سلطآنـــه >> مراد البرعصـــي Icon_minitime12020-05-26, 9:54 pm من طرف بدر شمس الزناتى

» رياضة المشي للخلف
 بلآ سلطآنـــه >> مراد البرعصـــي Icon_minitime12020-05-25, 12:33 pm من طرف حنان الدالي

» كيف نُحضر معمول مثالي وشهي في العيد
 بلآ سلطآنـــه >> مراد البرعصـــي Icon_minitime12020-05-23, 4:30 pm من طرف STAR

»  قناة TRT Sport ستنقل ماتبقى من الدوري الألماني مجانا مباراة او مبارتان من كل جولة
 بلآ سلطآنـــه >> مراد البرعصـــي Icon_minitime12020-05-23, 4:20 pm من طرف STAR

» مباريات السبت 23/5/2020 وقنوات ناقلة
 بلآ سلطآنـــه >> مراد البرعصـــي Icon_minitime12020-05-23, 4:17 pm من طرف STAR

» ما هي لمبة الضغط على المكابح في طبلون سيارتك؟
 بلآ سلطآنـــه >> مراد البرعصـــي Icon_minitime12020-05-23, 3:56 pm من طرف STAR

» صح أم خطأ؟ فتح النوافذ يوفر الوقود أكثر من تشغيل المكيف
 بلآ سلطآنـــه >> مراد البرعصـــي Icon_minitime12020-05-23, 3:56 pm من طرف STAR

» تدوير الإطارات: كيف يطبّق وما فائدته؟
 بلآ سلطآنـــه >> مراد البرعصـــي Icon_minitime12020-05-23, 3:51 pm من طرف STAR

» شرح مبسط: عزم السيارة
 بلآ سلطآنـــه >> مراد البرعصـــي Icon_minitime12020-05-23, 3:48 pm من طرف STAR

بحـث
 
 

نتائج البحث
 


Rechercher بحث متقدم


بلآ سلطآنـــه >> مراد البرعصـــي

اذهب الى الأسفل

 بلآ سلطآنـــه >> مراد البرعصـــي Empty بلآ سلطآنـــه >> مراد البرعصـــي

مُساهمة من طرف عبدالله الشندي في 2017-11-27, 1:04 am

بلا سلْطانة .. لا يطِيب نَوم ولا العقل معانا .. ولا نرُوق في قعْدة

امْغَير انْذَرِّي .. الواجِب اجْحُود ونا تقُول انْــوَرِّي

ومَيط م الخلايِق مَوش عارِف سرِّي .. يحْسابه تْولْهن بالغَـلا وافْتانــــة
ولا يحسب الشّاعر فقِيه يقَــرِّي .. ورَا العلم فقْه وكلّ شِي فـي وانـه
ولَيش يا الدّنيا نامنَوْك اتْغـــرِّي .. بْنا .. تزَخرفيه وتهدْمِيه بْنانـــــا
وفيه من اللي له ع الزّها تطَّــرِّي .. بعِيد م التّكدِّر تَضْمنَيه ضمانــــة
من دُون العَرَب تَبْقَي ابْزَود اتْبـرِّي .. فيه بالمنافِع .. تَرفعَي من شانــــه
وفيه من اللي فيه ابْعَذاب اتمــرِّي .. عَلَي كلّ صايِف مبْتلي بَحْزانـــه
نَلْقَى انِّك غَرُورَة.. للهلاك اتْجرِّي .. صَيُّورك فناء .. لَكن عَلَل واتانـــا
من جالا الاَّ مَدْعَى غَلاء في حـِرِّي .. امْضَيِّق اخْلُوق العَين .. جار طنانــا


حياتي مرَّة .. ورافِع اِيْدَيّ وم الغَلا انْتبَــــرَّى
الاَّ غَلاك كَي خَيره سوا كَي شَـرَّه .. اَسْباب المرَض منّه .. وفيه دوانـــا
والعارِف يوَرِّي النّاس ما يتـوَرَّى .. واحْنا دهرْنا عَين العَجَب وَرّانـــا
يا العَين نا وانْتِي اقْلال مسَـــرَّة .. ودِيمة زماقَة فاقْدِين زهانــــــا
على اللي وسِيعة عَينها منْقَـــرَّة .. يحُوزِك المَوح وتَيّسِي الحنانـــــة

اعْزُوم نْدِير .. نقُول ع الجفا نصْبر .. وصبري خَيـر
من قَيْتّن معازِي كلّ يَوم اتْسِـيـر .. عليهم.. وما فيهم عَـزاء عَزّانـــا
والمَوت ع الخلايِق كلّ يَوم اتْغِيـر .. وتَاخذ اوْخاذ .. تشِيل للجبّانــــة
ويدِيرُوا عَزاء واحَد.. وبالتّصْبِيـر .. ينْدارَن اعْزُوم بْفَضل من مَولانـــا
وفي شْهادْتَك مَوشِي عَدَم تدْبِـيـر .. حَيِّيْن يَرْزقَوا قَولي عليهم: يَانَــــا


يضِيق البال .. يضَّايَق سما عقلي يجَن شَــــلاّل
ونَبْقَى نْسَكِّب كَي رقِيق الحــال .. اللي م الكوايِن غَايْبات اَذْهانــــه
اللي الوَقت غَيَّب له نصِيب رْجـال .. وفاقِد العزّ ومنْزوِي ع الحانــــة
امْغَير انْكابي .. سواء اوْحَدِي والاّ بَين عَزّ اَصْحابـي
على امّ المْيام انْهن تقُول خَوابِــي .. لُولا رمِيش الهدب في اشْيلانـــه
كما بَرق ساسي من بعِيد ينابــي .. ان سَفَّى الغَثِيث وقابْلَن ذرْعانـــه
انعْكاس بهرْته فَوق السّحاب الدّابِي .. ابْعَكس الشّفاق ابْهرَن في قفْطانــه
يا امّ الخَجَل مَيّاع ماح مهابـــي .. فَوق م العَواتِق مرْتوِي بدْهانـــه
اِرْقا معَ السّنَد شَورك ايْمِيح شرَابي .. ان غَيرِك اذْكِر لِي نا نقُول: فلانــة
عليك بالرّجا ياني كلَيْت شبابــي .. ومازلت نَرْجَى .. كان جاب رجانـا


يزِيد حَياري .. بعِيد غَوْشَّا .. واَنا بعِيد ادْيـــارِي

منْشابْها قوِي في الجَّوف غير انْذارِي .. انْسايِس معاه .. انْخاف من دخّانــه
ايْثَعْبِن.. ويَبْقَن يا عَزِيز مطــارِي .. واللي ما نظَر يَسْمَع يجِيه نبانــــا
اَرْعَي بداك يا عَيني اَصْحَي تنْهارِي .. بلَوْعة عَزِيز .. ويَسْحرِك دِيوانـــه
البال يضِيق .. ان جبْدَن مدَاعِي .. والعْزَيم رقِيْـــق
لْجَور الغَلا والخَوف م التّفْرِيــق .. ونارك اللي عَيني لها بَرْدانـــــة
وشاطَت معاك الاّ ابْيبْس الرِّيْــق .. ونْخافَوا تْضِيع .. يضِيع فيك شقانــا
ونَبْقَوا هَتايا والرجا تلْفِيــــق .. وترْقِيعَك البايِد مَوش كَي نْشيَانـــه


ارْقاق عَزامِي .. ولايِل عَلَي شَيْلة الصَّوت انْمامِـــي
وها العقل عنْدَك رَاه يا مَو كامِـي .. لا يغِرّ بَك لَوْنه ورخْص اَثْمانـــه
من ثقْل الظّرُوف وكَيْد جَرْحَاً دامِي .. مَوش م الغَلا .. من جَوْر مَيْل زمانـه
وحَتَّى اَن ع الغَوالِي خاطرِي متْعامِي .. عليهم ينَوِّح في الخَفا وبيانـــــه
ومْعاي جَرحّم تحْلِف طعُون كمَامِي .. ارْوِي بالسّمُوم .. وبالسّمُوم اَسْقَانــا
وان كان الغَلا بُوزِع ابْلَطّ قسَامِـي .. وان كان مَو شرِيف القَصد هِي لِيْهانة
وان كان الغَلا قَصْده شرِيف يْسَامِي .. الله يْسَامْحه .. طَيِّب ثرَاك امْدانَـا


عَزَامِي رَقَّن .. وتَمَّن دمُوعِي فِ الْيباس اِيْسَقَّـــن
كما سحاب متْكَتِّل عقارِب شَقَّـن .. ادَّاوَن ارْعُوده في هْمُود عَوانـــه
وتَمَّن معَ لَرْكان فِيه يزقَّــــن .. ارْياحه بخفِّة نَين جا لْمكانـــــه
وجَا لْغَوْش نَزْلاته ابْخَير اِيْبَقَّــن .. عليه م الجّفاف وزامْقِين هَوانـــا
وباتَن هَواده ع الصّفُوح يلقَّــن .. اصَّبَّح صيام ينَهّتَن غِيْطانــــــه
وفَاية اَطْناشَر يَوم فيه ينقَّــــن .. حَسَاس الرّعُود .. وهُو قوِيّ هْطلانـه
وعاد البْوارِق دُوبْهن ينْحَقَّـــن .. امْقَبِّل ابْغَرب وشَرق في صَحْرانـــا
وحايا الوطْن الْكِلْ .. اعْرُوقَه دَقَّـن .. وعاد النّما .. واَرْوَى اللي عَطْشانـة
وكَيْما اَوْطان لْرَحمْته يعْتَقَّـــن .. وفَرَّجْ عليهم رَبّنا سبْحانـــــه
لَنْظار يطلْبَن فَضْلَه .. وبه يتَّقَّــن .. ما نخْتشِي م الناس في اشْحتانـه
انْعَن له قسامِي في عَزِيز اِيْطقَّــن .. اللي كَيفْنا ذايِح ورا حبّانـــــه


بلا سلْطانة .. لا يطِيب نَوم ولا العقل معانا .. ولا نرُوق في قعده

عبدالله الشندي
عبدالله الشندي
فريق اول
فريق اول

ذكر
عدد المشاركات : 3888
العمر : 37
قوة التقييم : 3
تاريخ التسجيل : 17/05/2016

الرجوع الى أعلى الصفحة اذهب الى الأسفل

 بلآ سلطآنـــه >> مراد البرعصـــي Empty رد: بلآ سلطآنـــه >> مراد البرعصـــي

مُساهمة من طرف عبدالكريم الشاعث في 2017-11-29, 9:46 pm

بلا سلطانه لايطيب نوم ولا العقل معانا
احسنت النشر
عبدالكريم الشاعث
عبدالكريم الشاعث
عقيد
عقيد

ذكر
عدد المشاركات : 756
العمر : 20
قوة التقييم : 7
تاريخ التسجيل : 16/12/2012

الرجوع الى أعلى الصفحة اذهب الى الأسفل

 بلآ سلطآنـــه >> مراد البرعصـــي Empty رد: بلآ سلطآنـــه >> مراد البرعصـــي

مُساهمة من طرف عبدالله الشندي في 2017-11-30, 12:25 am

عبدالكريم الشاعث كتب:بلا سلطانه لايطيب نوم ولا العقل معانا
احسنت النشر
 بلآ سلطآنـــه >> مراد البرعصـــي 497324
عبدالله الشندي
عبدالله الشندي
فريق اول
فريق اول

ذكر
عدد المشاركات : 3888
العمر : 37
قوة التقييم : 3
تاريخ التسجيل : 17/05/2016

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى