جديد ..شتاوي عالنوم

واللي عنده أيزيد

وين النوم ايعسل دوبه ...يخطر ونضو نشلوبه
عند النوم وتغليشتن ... يخطر تبدا تنهيدتن
دمع العين الليل بطوله...... كيف عياب اللى منشوله
من حاشن هى ليله ليله ... خليها يا عين طويله
نوضن ببكاكن داوني ..... ما يرقد غير المتهني
كثرن يا عين افواهقنا ... نا واياك ايش ايرقدنا
اخذي بالك من النوم ايجيك *** ايجيب جميع اللي تبكيك
عندي في الليل اتقنبيره .... من قو الجرح وتصطيره
عقلي من هاذيك النطه *** مسع كر غطاه تغطا
اكره ما نكره طول الليل ... انغفي فيه امفيت قليل
ياما جاب العقل ودا **** من قبل أنطولو المخدا
علي طول الليل وماطال .... دموعي عالغالي شلال
نومي مرهون امعديبه ... وانظر في اسنين ايجيبه
نومي مو طايب مو طايب .... نوضن وانهالن ع الغايب
رايح بين رقيع اهمومي .... كي ريحة لبره يا نومي
اسمور الليل خذيت عليه *** ابكاء وارياف نكمل فيه
النوم بعدهم كنهو جاه ... تقطيع او عبره وبكاء
طروه اللى مرزيه فيه.....الليل علي راسك شيليه
من نومك طرتي بوسادك ..... هفوك الاي صادك صادك
الليل الكن يابكايات *** ابكا واسمور مع حوسات
ضيقة علم اتبع فينا ...... وين ايحوش اليل اتجينا
انلايم في جفني عالنوم ..... وتخطر يا هاظاك اليوم
منامات العين امزاباه *** يجيبن غالي كي ننساه
غاب عزيز اتجينا بالك .... رانا يا نوم اعتزنالك
الليل علينا ياما لم...........حسايف وامهايات اقدم