غناوي وشتاوي علي دار عزيز ... دونكم الهن يا عيت ارفاد

تذكير بمساهمة فاتح الموضوع :

ربيع دار فيه العقل يحسا به زها عا ود بكاء

كنيب النصيب يجيب عزيز فيك يا دار نقعدوا

مازال ياالعين ايجول العقل في جلاوي اديراهم

حاست خذيتها للدار عميتها وما نريدها لها

لو كان كــل شيء يا عين يلقى إلا موح دارهم

إن نامت العين تجيـب سريب نـاس موح دارهــم

يطافــــر نهـدى فيه العقل واجعة موح دارهـــم

خلا قديم لنا دار واللي موش مليوع مايجي

انحودد ايامي فيك عطيت عهد يادار لجلهم

مليت من البكا فى الدار وطاول تصويتها على

كبيه يا العين الدمع على عزيز داره مقابله

بكيت فيك نين ابطلت ان جاء عزيز يادار اشهدى

لو كان مابكيت أمرضت للدار جيت وإعزاز خايلو

حتى وهى خلا تنزار مازالت عزيزة دارهم

بقيتي خلا واوهام رحل عزيز يا دار وسيبك


شتاوي

ماعندى للعين ادباره عزمى رق اوجت لدياره

ان كان بكيت ما فيها شئ ان جت لديار عزاز علي

انظاري مازالن هن هن يحوسن كي لدار يجن

بكا عيني في وسط الدار خلوج وسمعت صوت حوار

تباكن كيف تجن للدار عزام العزاية يا لنظار

دار عزيز علي خلوتها مانرتاح الاجلوتها

اتقول ولي صالح يادار عليك نبرم ليل نهار

الله الله يا دار عزيز البوم على الساس مراكيز

دار عزيز خرابه تمت كل البوم الجالي لمت

الله غالب يا دار انجيك امرايف على اللى كانو فيك

دمعى وسط الدار تمصا كيف ماصات اخر طاسه

لدار بقت كي ملك الجد انغايب مده ونعاود

حتى كان عزيز تواره مقطوعه سره في داره

نمشى واعى او مانى واعى شور الدار خفيف كراعى

ان ردينا منك يا دار نا والعين طوال عمار

خلوها خلا وارحلوا*الدار عامره كانت بهم

ننشد في الدار بعد غالي... قالت نجاوب من حالي

انظاري لدار قديم
وديتن وماوديتن

مالدار كل يوم رحيل***للعين قيس مو قاسم ونس

دار الي كانو شرهابا وين اتجنها قولن هابا

دار قديم نا نخبرها غير العله كي ننضرها

اذهبتى عالدار وهى دون بصيصك يا عينى بالهون

اتجيها بلا دوداش حتي وهي كفيفا دارهم

بير الصوب خرابا تما فاج علي النيسي منا

زعم يا بعيد الدار بعد افراقي مرتاح والله كيف احوالي شاقي
زعم متهني
ناسي غلايا وماتسلش عني
ولا بلايا اشقيت يا شاغلني
ونارك تقاوت كيف نار اشواقي

هك وهك وهك اديار خوالي...................... شلن ماينهكن والي

ننشــــــــــــــــــــــــــــــــــــــــــــد فالـــــــــــــــــدارعلي هلها
قالـــــــــــــــــــــــــــــــــت لي كي ماقلـــــــــــــــــــــــــــــــــــــــــــــــت لها

اديار خوالي دار الهم.............ايريدن ندابات اقدم

ياما عنـــــــــــــــــــــــــــــــــــد الدار بكيـــــــــــــــــــــــــــــــــــــــنا
مـــــــــــــــــــــا جرت صواتـــــــــــــــــــــــــــــــ القينــــــــــــــــــــــــــــــــــــــــا

ابكي برضك ياعيني خير ..................الدار اتزيد الا تقهير

دار عزيز انجيها سرقا,,,,,,,,,,,,,,,,,,,بكاي وكبدي منحرقا

ملا دار كنتي دار*** وعليك دار يا دار باقية
الدار بعد غيبة لولاف ***جميع الي نابتها صاف
مالدار كل يوم رحيل***للعين قيس مو قاسم ونس
كل طريق مشيت معاها*** للدار تودي نلقاها

الدار انجوها غير اضيوف,,,,,,,,,,,,,,,انضرها ريبياولا خوف

كثرن مساريبك يادار,,,,,,,,,,,,,,,,,عليك انضوح ليل نهار

ارباها غلا الجديد,,,,,,,,,,,,,,,,,,,يانويرتي علي دار القدم

دار قديم انشدني عنها***ماني بكاي الا منها

دار قديم انشدني عنها,,,,,,,,,,,,,,,,,,,,,,مامن هول نضرتا منها

بلعين ومانخلط فيهم ,,,,,,,,,,,,,,,لقسمو لاني ناسيهم

الياس القيني طيبك جار,,,,,,,,,ايتبع في من دار لدار

الدار بعد هاضاك العز .اليوم خلاها شين ايلز

الدار الي كنت انجيها,,,,,,,,,,,,,,,,,,,,طير البوم ايغرد فيها

الله الله يادار اعزاز..قعتي للبومه مركاز

عليك دار كنتي دار ,,,,,,,,,,,,,,,,,,,,,وعليك دار يادار باقيا