غناوي وشتاوي علي دار عزيز ... دونكم الهن يا عيت ارفاد

تذكير بمساهمة فاتح الموضوع :

ربيع دار فيه العقل يحسا به زها عا ود بكاء

كنيب النصيب يجيب عزيز فيك يا دار نقعدوا

مازال ياالعين ايجول العقل في جلاوي اديراهم

حاست خذيتها للدار عميتها وما نريدها لها

لو كان كــل شيء يا عين يلقى إلا موح دارهم

إن نامت العين تجيـب سريب نـاس موح دارهــم

يطافــــر نهـدى فيه العقل واجعة موح دارهـــم

خلا قديم لنا دار واللي موش مليوع مايجي

انحودد ايامي فيك عطيت عهد يادار لجلهم

مليت من البكا فى الدار وطاول تصويتها على

كبيه يا العين الدمع على عزيز داره مقابله

بكيت فيك نين ابطلت ان جاء عزيز يادار اشهدى

لو كان مابكيت أمرضت للدار جيت وإعزاز خايلو

حتى وهى خلا تنزار مازالت عزيزة دارهم

بقيتي خلا واوهام رحل عزيز يا دار وسيبك


شتاوي

ماعندى للعين ادباره عزمى رق اوجت لدياره

ان كان بكيت ما فيها شئ ان جت لديار عزاز علي

انظاري مازالن هن هن يحوسن كي لدار يجن

بكا عيني في وسط الدار خلوج وسمعت صوت حوار

تباكن كيف تجن للدار عزام العزاية يا لنظار

دار عزيز علي خلوتها مانرتاح الاجلوتها

اتقول ولي صالح يادار عليك نبرم ليل نهار

الله الله يا دار عزيز البوم على الساس مراكيز

دار عزيز خرابه تمت كل البوم الجالي لمت

الله غالب يا دار انجيك امرايف على اللى كانو فيك

دمعى وسط الدار تمصا كيف ماصات اخر طاسه

لدار بقت كي ملك الجد انغايب مده ونعاود

حتى كان عزيز تواره مقطوعه سره في داره

نمشى واعى او مانى واعى شور الدار خفيف كراعى

ان ردينا منك يا دار نا والعين طوال عمار

مقروض يادار امعاك ملهات وقت ماعد صدتلك

اللي بكيتها ف الدار تمسك سنين لو داجيتها

دارك يا القديم حزينة ... ننشدها تنشديني و ينه

كنيب النصيب يجيب عزيز فيك يا دار نقعدوا

سلام ياعيت ارفاد وتحيه ونقول ............................. زعلان من الرفق مليت نلقى ساندى زعم الدنيا هك ولا حضنااااااااااااااااااا وسلامتكم

مقروض يادار امعاك ملهات وقت ماعد صدتلك

حي وميه حي علينا *** نحنا والدار وغالينا

برمت فيك ريح الفقد ..يادار قبل كنتي عامره ..!

كنت امخطم قلت انتكي ..ثاريتك يادار اتبكي ..!