غناوي علم وشتاوي ع القدم

من طرف طيب ليبيا 2010-01-30, 11:29 am

تذكير بمساهمة فاتح الموضوع :

ياالقــــــــــــــــديم اقرب داويهن..راك مطاويح مخليهن
يالقــــــــــــــــديم معاهن كنك ... يبكن فيت عليك ومنك
يا القـــديم أنسيتك راني ... صاحب صوب جديد لواني
يا القـــــــــــديم انسيتك مدة ... نادم ونفكر فى الردة
يا القـــــــــــــــديم امغير ايمتا ....تبرم ع العين تسكتا
يالقـــــــــــــديم بقلة خيرك ** لا هنت ولا درنا غيرك
يالقـــــــــــــديم احقوقك جنك*** وحنا ياما نبو منك
يالقديم اصعب مجلاسك ....و العين تعانى فى يائسك
يا القــــــــديم امعاك انراجع .......ما نتفكر غير مواجع
يا القـــــديم نظرهن دوبك مادارن صوب علي صوبك
يالقــــــــــــديم وما تعلمها .. نارك صوب جديد ردمها
يا لقـــــــــديم رضاك انريده .... ماتلزمني نار جديده
يا القــــــديم معاهن كنك . . . جيت بعد قلنا نسينك

من طرف دلع ليبيا 2010-03-08, 12:56 am

تبيعة غلا القديم...مابت معا العين تنقطع

من طرف محمد اللافي 2010-03-08, 1:45 am

يخطر دلالهم مازال **** اقدم خيبونا وباعدو

من طرف دلع ليبيا 2010-03-08, 1:55 am

خلك يالقديم عليه...رجاك ونا ماني ناسيه

من طرف محمد اللافي 2010-03-08, 1:58 am

ترجيه تكليه العمر ***** تنسيه تاكلك نار الغلا

من طرف الاسطوره 2010-03-09, 1:13 am

طعمتك يا صوب مراجاه... ومره في العام ملاقاه

من طرف دلع ليبيا 2010-03-09, 1:14 am

غلا قديم نطري فيه...انريد ثلث ماليل ناخذه

من طرف الاسطوره 2010-03-09, 1:23 am

انعدو فى ساعات الليل ....بلالكم نلقو فيه طويل

من طرف دلع ليبيا 2010-03-09, 1:29 am

الليل طويل على اللي رايق...يابال اللي علمه ضايق

من طرف الاسطوره 2010-03-09, 1:38 am

وين يجي راسي لوسادي ... يخطرلي موال مرادي

من طرف دلع ليبيا 2010-03-09, 1:40 am

مرض ياخذني عطني كان....قديم انسيته والا هان

من طرف اسماعيل ادريس 2010-03-09, 1:45 am

أنكان عابيه عالقسم...... مطول رجاك ياعين فالقدم

من طرف الاسطوره 2010-03-09, 2:14 am

تلاقيت ناو قديم ***ذبنا دموع ما والي حكا

من طرف يوسف منعم امهدى 2010-03-09, 2:35 am

يا القـــــــــــديم انسيتك مدة ... نادم ونفكر فى الردة

من طرف الاسطوره 2010-03-13, 3:57 am

ايجيبني ارياف قديم ونعاود علي قاطع اللوا

من طرف حسين 2010-03-13, 4:03 am

لوكان ناسيه القديم...............لاثمرات لا بكت لا غوننت

من طرف محمد اللافي 2010-03-13, 4:12 am

رضوني بقول اقسام ***** اقدم فالغلا وين لمتهم

من طرف c.ronaldo 2010-03-13, 10:47 am

العقل واخذا القديم ملاج يا جديدين مالكم

من طرف **عبدالحفيظ عوض ربيع** 2010-03-18, 3:03 pm

1. اتركهن وتنال الصبر مالك سبب في دمعهن.
2. اتركهن تنال جميل مالك سبب في ذنبهن
3. أنتي سبايبه ياعين غلا عزيز لولاك ما رسم.
4. اجعن دعاي يامرهون تلقاه في ضراري كبيدتك.
5. اعزاز مالكين العقل ينساهم منامه يجيبهم
6. الافا لنهار يجول ,,, العقل داه مالليل ياعلم
7. العقل واسع الجالات أضايق مع نار الغلا.
8. العقل ما ينام الليل سطير جرح لولاف سمره
9. الـعـقل يابـعاد الـدار يـمـسي مـعاي ويـيات عـندكـم.
10. العقل في بلاد جهال؛ إن دار الغلا ياذوه ياعلم.
11. العقل ماعطوه حقوق اصحاب الغلا ضالمينه.
12. الدمع ما يجلي الياس أيزيدكن أرياف وتنعمن.
13. الدمع يوم ياس عزيز لو كان غيث لوطان أرجعن.
14. العين هدبها علي عزيز ياما باكيه
15. العين قابلت ووزنت والعقل قال ما كيفك علم.
16. العين هي عـذاب العقل دلاته علي راي ذيبله
17. الـعـين في العذاب تحمل ترجاهم رجا نين يـقسموا.
18. العين من غلا مرهون تذوح ما دباره لاقيه.
19. العين شوقها مرهون والفاضي اغباوه دايره.
20. العين وين قالت تاب مرهون دار به نين نقضه.
21. العين حاسبت لو قات لقت زمانها مايل بكت.
22. النار في قرار العقل نزلت ياعلم دار راكحه.
23. النار قايله للعقل أن صار يأس لولا ف ناخـذك.
24. الناس يحسبوك ربيع وأنت عذاب يانار الغلا.
25. الصبر خير واشوي ذنب واكثر جميل وأولي م البكا.
26. اللي بهم الصيف ربيع خشوا ا لجون ياعين باعدوا.
27. اللي صا يرة بالعقل سراقة بها ما تدري.
28. اللي غلاه في مرهون دواه صبر ياطول عازنه.
29. إينوس خاطري مهيوس من ياس ناس كانو له ونس.
30. بين الروا ياثاب دخان ياعلم نارا لغلا.
31. بلا قشوشه للنار تشيط نوحلو في ردمها.
32. بعد رديم الياس شقيت نار لولاف لهلبت.
33. بنيت قصر في لامال .... اكبر الياس جاني وهدمه.
34. بالك عليه تغلي ويبقالك عزيلة خاطري.
35. بلاك ما نريد انعيشن نفداك بالروح ياعلم .
36. تبقي حايسه وتموح عزيز وين عيني تنظره.
37. بعد بكاه وان تغيب نقص عزيز ما نامن لحد.
38. تقد يعك علي لوهام بلا نصيب ياعين تجهلي.
39. تنهاهن يديرن عزم يجيهن الليل ويذرفن.
40. تها يولها واسمرت العين وين ما لاج نومها.
41. ترجاك والرجاء في الله العين ياعلم ما ميسه.
42. تبقي حايسه وتموح عزيز وين عيني تنظره.
43. تشيط في خفا وتبان سبيل عادة النار ياعلم.
44. تاكل بلا دخان جواني دقيله نارهم.
45. ترجي العين تاسع ياس ترقيع في غلا بايد لها.
46. تذوح في عقاب الدار تلقي عزيز هيال بالها.
47. تصليب جابها ع الكبد خبير ياعلم نارا لغلا.
48. تقول شاطات اليوم غيات ياعلم باد جيلهن.
49. توا روا وهم حيين عرب أجواد كانوا يفعلوا
50. ثلاث هن دوا المريض ان جن يموت وان غابن بري.
51. جبد سريب جابك فيه بكا العقل ما حوته سكت.
52. جضيض خاطري م ألنار بكي جميع مولاي ما خلق.
53. جرت عليه نار عزيز العقل نين شاكي خالقه
54. جروح يا عزيز غلاك م الغيبه برايا ع العدم.
55. حرثن فيه نين جبرن شلال دمعتي يوم ياسهم.
56. حتي والمواوير يـاس غلا عزيزنا ما نتركه.
57. حتي وهو عذاب سنين يغات ا لمراهين فاكه.
58. حتي وانت فيك الياس خلق الله توقاتك فرج.
59. حال غايتي في الصوب وان صارا لخطا مانحضره.
60. حتي وأنت فيك الياس خلق الله توقاتك فرج.
61. خليت ياعزيز ألعقل جنازه بلاروح واقفة.
62. خلاني صفا ليام نشاكي اللي مانشغله.
63. خلا ني غلا مرهون نشاكي الدانون ياعلم.
64. خلا ني غلا مرهون نموج في هواء ماله سند.
65. خلاك حايره في ألراي غلا عزيز ياعين هو أللي.
66. خطر ودار لك مشغال عزيز قبل يا عين ناسيه.
67. خاطر عليك عزيزا ليوم وامس يا عين باكيه.
68. خطاهم اللي داروه قبلوا جميل هانوا با علي.
69. خلفت ياعزيز معاي فواهق بنيران يطلقن.
70. خطاك باعزيز معاي كبير غير كاميه خاطري.
71. خطاك من خطاك معاي سبق خطاك كافيت بالخطا.
72. خطرها خطاك العيب اللي معاي جا ما لا سبب.
73. خذيته وصار أمعاك رفيق زين ماهو أمطالقك.
74. خلينهن ضلل في قيظ؛ يا عزيز حيران خاطري.
75. خوفنا بعد توبات جرونا مراهين ما فضوا.
76. دموعي علي لولاف شلال كيف ماره فالجبل.
77. ديما قبال العين سوا بعاد والا يقربوا.
78. دموعي علي لولاف أسقطن في صفاء دارن حفر.
79. دموعك عليه كبار غلا عزيز يا عين ذيبلك.
80. دهوار بلاهم خير اللي لا غنوا لاريحو.
81. ديم قبال العين عزيز لا تواري لاقسم.
82. دموعك عليه حلال عزيز كيف ياعين والدك.
83. دموعك عليه كبار غلا عزيز ياعين ذيبلك.
84. دوا مات غلا مرهون م النوم وين نوعي تصيدني.
85. حرثن فيه نين جبرن شلال دمعتي يوم ياسهم.
86. دعاي ياعزيز عليك أدعا حاج مولاي قابله.
87. ذنوب يا عزيز عليك سمار وانت في نومك هـني.
88. راقد وجاك النوم كذاب مو غلا نا جارحك.
89. رجيت والرجا ما جاب ننساهم الله غلب علي.
90. رماهن صفا ليام علي عويل مو قيسا لهن.
91. رجيتك وطال رجاك وانسيتك وما نيتي نسا.
92. رزاك عرف ما فيك صبا العقل ورماك طوطشه.
93. روامي أرمام العقل خطر عزيز حوما جابهن.
94. زعمه يا عزيز تسال والا سحبك ديوان غيرنا.
95. زعمه كيف صارا لموح مدعي غلاي مازال جابده.
96. زرعت زرع جاب أثمار جنوه ناس ما نالوا شقا.
97. زعزاعة الياس تغير ع العين وين ما دارت نما.
98. زعمه ما يريدا لعقل يزها بيك ولا يوم ياعلم.
99. زعمه كيف صارا لموح مدعي غلاي ما زال جابده.
100. زلازل وفيض ونار غياتك براكين خلفن.
101. سلام غالبه الكلام من ضيم ياعلم نارا لغلا.
102. سياتك المتبعات ننساهن تجيني بغيرهن.
103. سمرن نين ماح النجم حتمن يأس غاليهن غفن.
104. ستين الف جوز طبييب الجرح جار عانوه كادهن.
105. سفا رديم ع النيران العـقـل وين مافيهن وحل.
106. سحبه صوب مرهونين العقل ما عليه والي نشد.
107. .سرييب صوب جا للعقـل نساه يا علم طاري الهل
108. شلال من شراب عزيز دموعي علي ياس العلم.
109. شدي عزا يمك ياعين يفـني العمر يابال الغلا.
110. شكاع بارقه ما بات غلا جديد لا في خاطري.
111. شكواك له امغير معار للي عليه ماجار فا هقك.
112. شكواك وانت داك كبير للي سليم بورة حا سرة.
113. شراب في ا لمفاصل ذاب غلاك داه ما لا دواء.
114. شقانا وراهم ضاع سعد غيرنا فيهم قوي.
115. شرهان خاطري بغلاك يطولك ولا راضي ع البكاء.
116. صيا ا لعقل يوزن فيك لقيك ردع لوطان كلهن.
117. صبار وا لكواين فيه شديد شديد عزم ثاريت خاطري.
118. صبرن يا عزيز سنين اللي قبل يوم يكيدهن.
119. صبا لي وزير الياس نساني غلا مو برادتي.
120. صنم شكيت له م الياس جبر بخاطري وقال يقسموا.
121. صعوده تهابي فيه غلا عزيز يا عين كايدك.
122. ضليتي ضلال كبير وراء عزيز يا عين الحياء.
123. ضليله وراء مرهون العين م ا لبكاء نين أنعمت.
124. ضليله وراء مرهون العين م البكا نين انعمت.
125. ضليله رايها مازال العين بالمراهين شاقيه.
126. ضليله وطت في حوض تطول في عزيز وتلتغب.
127. طباعة غلا مرهون تناوض علي رأس حولها.
128. طروا عزيز ع الغفلات سهيت نين ما فيدي وقع.
129. طارح فراش الياس العقل نام نومه ريحه.
130. طالب الله فزاع يجيب ناس ماضي صوبهم.
131. طالق معانا نار جرار غلاك مازال غايتي.
132. طبيب ياعزيز غلاك صفق ايديه مولاقي عزاء.
133. ظليمه عليه الصبر جرحه جديد مازال خاطري.
134. علي اثر جيرته مرهون؛ تما بغيبته ما ينطري.
135. عليه أبشري ياعين عزيز كان مرهون وفضي.
136. عليها شرار النار غيات المراهين يعلم.
137. عليهم لها مدات عزاز قابلوا عيني بكت.
138. علي غلاك نين تموت العين ياعلم بات رايها.
139. علي جار طالق نار غلاك وين ماجا لخاطري .
140. عليك بالعلم ياعين اللي عجاج ميراده طرب.
141. عليك خاطري مجروح وياعزيز ناويش درتلك.
142. عيب ياعزيز النقص وهن معاك دجاية غلا.
143. عزيز وقت نوم الناس سريبه يجي دون خاطري
144. عزيز وين ما نطروه يسيلن رقيقات الغرض.
145. عزيز هو سبب لنظار عماهن وما بايقودهن .
146. غفت العين جاب العقل سريب ياعلم طار نومها.
147. غيات الغني ياعين عذاب غير عاده جاريه.
148. غنا ياونا معتاز العقل قال مالي ومالهم.
149. غني في غني مشتاق زعمه كيف لا ماهم يجي.
150. غربه وجا يـلين عليك زعمه ويش قانوك لهم.
151. غرض العين في مرهون سفاه الا لكن مضت.
152. غلاك عضم كسره قند دقداق ما جبيره تلايمه.
153. غالي علي لنظار حتي وانت مرهون ياعلم.
154. فدا عزيز مو ميجود كبير جا علينا فاهقه.
155. في علو ملزومات حدرن وين نباهن علم.
156. في زمان قل القدر لقي العقل لتراك خير له.
157. فراق ا لعزيز صعـيب تخريج روح يانا موعره.
158. فطنوا باقلال الدين علي مساربه تادروا حرس.
159. فراق العزيز صعيب والصبر في فراقا كادني.
160. قايله مع عقال العين حالفه ما تخونهم.
161. قديم جرحهم لولاف حقا وهم غنا ياما بري.
162. قفزات خاطري م النوم اسبابه الغنايا وجرحهم.
163. قليلة نجا ياعين من يوما وطيـتي نارهم.
164. قسمت ليلها ليلين العين في مراجيي غاليا.
165. كاس ياسهم في اليد يذوق فيه ويقول يقسمو.
166. كلت زنايقه تقديع العقل ياعلم نار الغلا.
167. كبرت نار شاطت نار ولعت نار في نار قابلت.
168. كبرن نار مرهونين كميتها علي جوفي رقت.
169. كانت العين مزار في زمان ضاري يا علم.
170. كانت العين مزار يجوها مجاذيب يوقعوا.
171. كبيره عليه العقل تجفاه دار ويعاود لها.
172. كنيب تشغلي مولاك علي عزيز يا عين أغردي.
173. كذاب يا منام الليل تجيب في ناس طال ياسهم.
174. كنيبه مغيرايام سعد الياس مو ديما قوي.
175. كناه ذ يبله رداه اجحده صاف شا كبه أوحل.
176. كميته علي جار غلا عزيز نشكي بالمن.
177. لو مريض للسوال ولا العقل بريان ياعلم.
178. لو كان ما خلق مولاي مغير أنت وأنا والغلا.
179. لو كان ا لوطا تنشال نشيلو عزيز ومقعده.
180. لو كان يقسم المرهون نرجوه ما علينا في البطا.
181. لو كان يا منام الليل تبقي رسيل بيني وبينهم.
182. ليش يا عزيز ادير الصوب وأنت عابيع الخطا.
183. ليالي مضن وايام طلبنا الله لا أتعاودهن .
184. مغير مذهب الرايات الا العقل رأيه مودعي.
185. مبدوعه نديروا صوب تصير في عقابه مخادعه.
186. مرهون تحت ناس عزاز رزاني وناره مقايله.
187. مرهون يالعين أنسيه ديري عزاوين واصبري.
188. مرهون جاصداف العقل عليه تبت توباتي نقض.
189. مرهون ماعليه رباط يخون ويما قابل نظر.
190. مرهون عند شين اللون غلا عزيز ياناري اقبي.
191. مرهون عند شين اللون احجر نباه ماعاد ينطري.
192. مرهون دارلك ياعين سراقة غلا نين ذيبلك.
193. مرزي العقل كا مي داه من خوفا يشاكيك تنكره.
194. مرزب العقل داه كبير اسبوبه مرا هين ما فضوا.
195. ما تقول فيهن زول بعد عزيز لوطان سوتهن.
196. ما في الغرب صابات علي هلك ياعين عاودي.
197. من يوماً مضيت وجلت تمشي بصوب يرضي خاطرك؟
198. مستوحيات ياس طويل’لنضار في عزيز يوادعن.
199. مشاكي العين قلال مالها فزاع غير دمعها.
200. مواير يبانن فيه مرهون كان واري حقوقنا.
201-هربادت الغلاء القديم دسيت لجل مى هاينه على
202-خلالك عزيز اوهام وخلا ادموعكن دوب خلوهن
203-بكيت كيف بيك اطمعت وبكيت فى اضياعك ياغلاء
204-تهايا قديم وطرت اطمعت بيك يانوم حوتنى
205-نشكى انغلب نكما نار نسكت عليش نبكى مايجو
206-ابكاك مو بكاء مليوع اقطع ابكاك ياعين مو بكاء
207-عدن مزار للوهام برياف روحن كيف مامشن
208-قاتل العين ارياف ونحايل عليها بجيهم
209-ايداعك عليه عزيز العقل نين منى واخذه
210-مشيت للعزيز بعقل رديت فاقده لومينى

من طرف المرتجع حنتوش 2010-03-18, 7:43 pm

مشكور علي الموضوع

من طرف **عبدالحفيظ عوض ربيع** 2010-03-18, 8:48 pm

لك الشكرعلى المرور

من طرف عبدالله الجبالي الحمري 2010-03-18, 11:20 pm

14. العين هدبها مفتول علي عزيز ياما باكيه
مشكور خوي حفيظ

من طرف c.ronaldo 2010-03-19, 12:00 am

لولاف اليوم مراهين... انحازو ماتنظرهم عين

من طرف KAKA 2010-03-19, 2:34 am

مشكور اخى رونالدو على المجهود الواضح ............

من طرف **عبدالحفيظ عوض ربيع** 2010-03-19, 8:39 am

لكم الشكرعلى المتابعه

من طرف c.ronaldo 2010-03-19, 2:36 pm

ع.القــــــــديم...
اتبعنى خوذ نصيحه خوك .... .... اهلبها دار اللى اهلبوك...

من طرف ادريس بوزويتينة 2010-03-19, 5:04 pm

مشكور اخى

من طرف عاصي 2010-03-19, 7:38 pm

شكرا على الموضوع

من طرف **عبدالحفيظ عوض ربيع** 2010-03-19, 8:24 pm

لكم الشكرعلى المرور

من طرف c.ronaldo 2010-03-19, 11:17 pm

دناهن اليوم جديد.......لنظار فلقدم راح سوهن
دناهن اليوم جديد.......لنظار فلقدم راح سوهن

من طرف **عبدالحفيظ عوض ربيع** 2010-03-21, 6:34 am

لك الشكرعلى المرور

من طرف عبدالخالق طيب 2010-03-21, 1:11 pm

1‏_عليك يالقديم انموت @
حتى وانت فى ايدين غيرنا###
2_العين رايده الجديد @
مغير مكر فى عيت القدم

من طرف c.ronaldo 2010-03-21, 1:54 pm

درنـــــا جديــــد بان الفــــــرق...ثــــــاريتــــك علم يالـــــولــــى....

من طرف مثيل القمر 2010-03-21, 2:03 pm

يالقـــــــــــــــــــــديم نويت النسوة......انشاء الله غير جديدك يسوي

من طرف c.ronaldo 2010-03-21, 2:13 pm

الخاطر يالقديـــــــــــــــم مليت ****** مصاغ لغيــــــــرك ما خليت ...

من طرف مثيل القمر 2010-03-21, 2:33 pm

ياما قال قديـــــــــــــــــــــــم انصونه.....خان غلاي الله ايخونه

من طرف c.ronaldo 2010-03-21, 2:36 pm

الخاطر مسع جد عليه ***** غلا نين قديم ينسيه

من طرف طيب ليبيا 2010-03-21, 2:45 pm

حتى انكان خ دتني ميتــــه ... للمايك انجي عفريتـــــهن
أحلمنالك يا صوب أتظيع ... قفزنا مالنوم مفاجيع
ضليمه عليه الصبر ... جرحه جديد ما زال خاطرى
لو كان دموع ايجيبنه ... لا خصن منى ولا منه
هي ماتقتل لاكن شينة ... غيبة ناس أعزاز علينا
أنت يا عين عزاك ادموع ... الغالى سكـّر عالموضوع
عزيز خذا رايات الناس ... ظلمنى بالخونة وخلاص
صيورها اتبان اتبان ... النار مى سريقة تنجحد
درت غلا ماداره والى ... لكن ضرونى عقالى
ف الدار أولافي خلوني ... نرجى فيهم نين يجوني
عندى عين اشكا ما تشكي ... لكن وين اترايف تبكي
قاضي الياس غلانا ضره ... حكم اعدام من اول مره
الياس ما لقى ما يدير ... القى حذاى لولاف شالهم
ثلاثة فاقدهن لليوم ... الراحة والغالي والنوم.
امغير ابكن مو رايح شي ... الي مو عالولاف علي
بكيتي واجد عالولاف ... بكا ما زادك غير ارياف
بكرتي واجد عالوهام ... استعجلتي مازال ضلام
اعزاز عذبوا لنظار ... مره حلم ومره مخايله
مااهناك كاينه كى هذى ... ينسونا ويزهوا بغيرنا
ماهناك كاينه كى هذه ... ينسونا وينسوا صوبنا

غناوي علم وشتاوي ع القدم

غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

210غناوه علم قديم وجديد

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

رد: غناوي علم وشتاوي ع القدم

سليمان الخفيفي