غناوي علم وشتاوي ع المرهون

تذكير بمساهمة فاتح الموضوع :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

نور ليبيا كتب:

مرهون وحاله عذبني **** لا سيبها لا سيبني

ويش اتريدي في المرهون اعويله والراتب بلهون

مرهون وناكر .. طفوها شاطت لمباكر
كابرها مرهون وناكر

مرهون وبابه في بابي ......وين ايحل ايزيد عذابي

مراهين ومنهم مليوع ... عليهم ديما ناصب نوع
مرهون وماهو يالاكن ... طار النوم وطار هناكن

مراهين ومنهم مليوع **** عليهم ديما ناصب نوع
مرهون بدينه قاهرني **** لا خلصني لا ناكرني
مرهون بقولة راجيني **** لو ناكر لا يسلك ديني

الله يبسطكم حيكم الله

اي خدمه يا منجوه

tm.girle كتب:اي خدمه يا منجوه

سلمك
درتي نيران ولذنبك *** ذنبك يا عين علي جنبك

اللى مو صهـيد لــــــذيع ... هلبت بين نيران الغنــى "

الي ما كلاه اصهده.........لسان يا مراهين ناركم

نارك يالغنى حاملها ____ يا تقتلنى يا نقتلها

((مرهون ونسمع في حسه ... لكن قسميته امئيسه))

الخاطر خلوه مراهين*** حطب يابس بين كوانين

امدوخ عقلك يالفاضي,,,,, رجيت ميت ترجا في......

قيسك ياعقلي ماكرني ....ننسي مرهون اتدكرني

دوامة غلا مرهون ... م النوم وين نوعى تصيدنى

تلاقينا نا والمرهون....كملنا شيل وحط عيون....

العين من غلا مرهون ... تذوح ما دياره لاقيه

اتصدق نا بختي بلهون...افضي مرهون ونا مرهون

الصوب عرفته في مرهون ...كبيرة كيف علي أيهون

مرهون بناره كويهن..كل نهار ايلدع فيهن

مرهون بنار محاذيهن ... كل نهار يلذع فيهن
مرهون بدينه قاهرني ...لا خلصني لا ناكرني

هد اهدود العين الغبره...تبكي علي المرهون بعبره

تنهى العين ع المرهون اتقول في ضلالي خلني
يالعين فيك اوحلت ننهاك ع المراهين تبرمي

صيورك عميه ماتحقي... يالي علي المرهون اتنقي

يا مرهون ايش اللي صاير...نين اخطاك علينا جاير

اسمله يا مرهون عليك... اللي ما طالك يقرض فيك

عدا مرهون وعقبلي ....فاهق بين جواجي عقلي

هو مرهون ونا فى حالى..... ماوالى طامع فى والي

حالي مالمرهون وجره....قزون امربيته ضره

امغير انبصر ع المرهون .الا الفاضى مادونه دون

عيني علي المرهون تعتا..حتي لو سالت دمعتها

ابليت ابغلا منحاز...قطمر العين لاهان ولا اقسم

يامرهون مراتك نيه....وين انجيها تفرح بيا