غناوي علم وشتاوي ع المرهون

تذكير بمساهمة فاتح الموضوع :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

نارك يا مرهون كلتني *** لا باطل لا حق عطتني

حي علي كلت ما عندي *** نارك يامرهون افندي

مرهونين بعد تلقيهم ... ديري روحك عاديتيهم

الي ما كلاه اصهده.........لسان يا مراهين ناركم

نارك يامرهـــون قــــوية ... نردمها وترد عـــــــــليا

مرهون هو سبايب داي.........يقدر يغيب ويجيب الدوا

يا مرهون ابرم داويهـن ... راك مطاويح امخليـهن

ف المرهون رجاي اطاول **** حاولت ومالقيت امحاول

موخاسر مرهون بصيرة ** فارق والكيد على غيره

الصوب عرفته في مرهون ،،، كبيرة كيف علي أيهون

يا مرهون اكمل تفكيري ** فيك و تفكيرك فى غيري

يامرهون أجبر بالخاطر ،،، عد وراك دموع قواطر

يا مرهون غلاك يكدى ** يوم معاي و 10 ضدى

حتــي كان خذتني ميته ،،، للمرهون انجي عفريته

ماجرح المرهون ايهمد ** حتى لو ضمد ماضمد

مرهونين العين عمـوها **** بالقايد تمشي خــــلوها

للمرهون غلايا بعته*** دار الشيك وانا وقعته

تساقط ادموع العين=وين يامراهين تخطرو

العقل دودشه مرهون**بشويش نين للموت قربه

نبكي ع المرهون بعبرا ... لكن جرحا مابا يبرا

ان جا منام ماهم فيه.........تقفز تقولي وين القدم

مرهون هو سبايب داى **** يقدر يجيب ويغيب بالدواء

تبقي حايسه وتموح عزيز وين عيني تنظره.

ضليتي ضلال كبير****** وراء عزيز يا عين الحياء

فكى عالمرهون ارباطك مادرتى حاجه بعياطك

يا مرهون اخبارك جني .. في حوشك مانك متهني

ضميده لمت جرحي طاب ... من المرهون الخاطر تاب

مرهونين اكبار ضناهم **** مازال العياط وراهم

ضليله وراء مرهون ... العين ما لبكا نين انعمت

ظليل رايها مازال *** العين بالمراهين شاقيه

ع الخونه عطانى عهد ....مايديرها عزيز ودارها

مرهونين منامي زاروا**طرت وطار النوم وطاروا

طلب دواه فى مرهون .... العقل وين نلقوله دواء

جضيت ياقديم أمعاك........تكميدك علي قيس الوجع