عندي عزيز تواره

من طرف **العاشق الصغير** 2011-12-15, 4:41 pm

عنى باعد ,, بوخدّ يشكع كي البرق الرّاعد

هان الغلاء بالقطع وانا قاعد ,, انراجى على مرجاه قلّ اخباره

قديم الغلاء موش امس فيّا صاعد ,, ماضى اخبّل فى عفاء نوّاره

الاّ اليوم جاء ناكر الصوب وجاحد ,, صاف الربيع ولا جنيت اثماره

***
باعد عنـّي ,, هان الغلاء وانا عزيز رهنـّى

كنت حاسبه وانا اللى متمنى ,, متمنى على مرجا سراب اصداره

رمانى على نار الجحيم انظنى ,, نار فرقته طالت صميم احجاره

***
هويتك ومانى فى النساء هوّاى ,, وراك عقل جدّن اوهامه

سريب الغلاء بوه القطاى ,, هلب اسنين لا صوب داره

زها قلب والدمع شلاّى ,, حادن صهايدامراره

ولها جسم فى المشى خطّاي ,, ولها عين ترزى غداره

والسالف انكان ماح كدّاي ,, ملفوف لفـّة شطاره

ولها وصف كايد الحكّاي ,, كايد ولو وصف وارا

جيتوا ابعاد المناي ,, فى وطن منحاز داره

والشوق واقى احذاي ,, طيفه على كل ماره

لا عمر صادف امعاي ,, مشغول شبكته فيه عاره

رمانى على جمر قدّاي ,, بعد مسج وقول البشاره

يالله صبّر هداي ,, وامسح اذنوبى عواره

ولَقسام فى إيد مولاي ,, خالق الكون ومداره

عندي عزيز تواره 944316