كيف تعرف الليبي

من طرف free boy 2009-08-20, 9:22 pm

ذا كان سمعت حد يقول شن الجو, صقع عليك........فهذا بالتاكيد الشخص ليبي
-اذا كان لقيته ماسك مكياطة في يد وفي اليد التانية سبسي ....فهذا بالتاكيد الشخص ليبي
-اذا كان عطاك موعد وجاك بعد ساعة او ساعتين ....فهذا بالتاكيد الشخص ليبي
-اذا كان قالك خمسة دقايق وقعد ساعتين.....فهذا بالتاكيد الشخص ليبي
-اذا كان قالك شبوب كذا ولعة ...والنبي سبسي....فهذا بالتاكيد
الشخص ليبي
-اذا كان لقيت في ايده باكو متكوب عليه رياضي.....فهذا بالتاكيد الشخص ليبي
-كان قالك علي بنت خاطمة مصطلح غريب اول مرة تسمعه... زي فرتوكا--بججه\\\\\\\\\\\\\\\\\\\\\\\\\\\\\\\".....فهذا بالتاكيد الشخص ليبي
-وكان قالك شبوب ممكن العكشة.....ولا تعكشلي...فهذا بالتاكيد الشخص ليبي
-كانك علي شط البحر ولقيت واحد رادم دلاعة علي الشط ولا صندوق مشروب .. فهذا بالتاكيد الشخص ليبي
-كان بدي يبي ينكت ....يقولك مرة في واحد .......مع احترامي
فهذا بالتاكيد الشخص ليبي
-كان لقيت واحد يقول للبيجو 404 موديل75 عكارية او قلع ....فهذا بالتاكيد الشخص ليبي
-كان بدي ايقرم علي العائلة الكريمة وقالك الشيباني -علي
بوه-...والعزييز-علي امه -...فهذا بالتاكيد الشخص ليبي
-كان طقطق عليك واحد من الجيران وقالك تسلم عليك امي وقالتلك حكة طماطم ....ولا حكة زيت ...شوية ملح.....فاعلم ان جيرانك ليبين
-كان لقيت بنية صغيرة تغني عيلة ياعيلة...هذي ماتحكش فيها راسك بكل بالتاكيد ليبية
-كان سالت واحد وقلتله شن اكتر اكلة تحبها وقالك بازين..ولا مكرونة امكبكة ....فهذا بالتاكيد الشخص ليبي
واخيرا وليس آخرا افتخر باني ليبي والحمد لله اني جيت ليبي .... وصدق اللي قال

من طرف **بوفرقه** 2009-08-20, 9:43 pm

انكان قالك ...1-9 يبو ايوزعو قروض راهو ليبى
اذا سألت واحد يوم الجمعه ..اشنو غداكم كان قالك (كسكو)...ماتحكش راسك راهو ليبى

من طرف **الكابتن** 2009-08-21, 12:30 am

راه ليبي لو
- القيت صوته عالي
- يسب وينعل وهو ماشي قدام الناس
- قال ريحنا يارا - شججووااا ،
تشكر اخي

من طرف قلب العروبه 2009-08-21, 12:37 am

كانت تلاقيت مع واحد وقالك المعاشات انزلن والله لا راه الف فى المئة ليبى
تحياتى

من طرف حسين 2009-08-21, 1:45 am

كان قالك علي بنت خاطمة مصطلح غريب اول مرة تسمعه... زي فرتوكا--بججه\\\\\\\\\\\\\\\\\\\\\\\\\\\\\\\".....فهذا بالتاكيد الشخص ليبي
هههههههههههههه
اكثر مصطلح نستخدمو فيه نحنا الشباب
انا انريد نشكرك با المصطلحات
امنور يا طعمه ويا مقنط ويا صقع ويا بركه ويا حاج ويا ولدنا عادى مصطلحات اليبيه
مشكور وبارك الله فيك