رنة الهاتف وسَمعتي للصوت ....

من طرف **زهرة اللوتس** 2012-03-04, 3:53 pm

رنة الهاتف وسَمعتي للصوت ..... ردت لي النفس وأنا طريح الموت
الهاتف رن ........ السماعة خذيت في يديّ وقتله من ؟
صوته الحنون لنظار ما نسين ........ اللي غلاه كان ألهن الماء والقوت
ومازلت للماضي البعيد انحن ........ والعمر في سنينه أيام تفوت
أنظاري رجن واااااجد وما ملّن ...... وكل شي بختام الرجا مثبوت
في الخاطر جروحه معاي مابرين .... أمخليني جنازة ناقصة تابوت
سمعت رنينه ............... مستعجل رفعته وقلت من يبينا ؟
قالت : ألو ، حايت جروح دفينة... نزيفهن بدا هابا عليك بخوت
عليه خطّرت ماضي وزاد حنينه ... قيسه لعقلي في الكدر مبخوت
غالية وغلاها ما نهار نسينا ...... يوم فقدها شابه نهار الموت
خذينا عليه وهو اعتاد علينا ....... نا وياسها باقيين كيف الخوت
ما نطمعوا بالحيل فيه يجينا ........ مغير في الهواتف نسمعوه الصوت
رنة الهاتف وسمعتي للصوت ....... ردت لي النفس وانا طريح الموت

من طرف **جمال المروج** 2012-03-04, 4:38 pm

الهاتف رن ........ السماعة خذيت في يديّ وقتله من ؟
ياريت حتى نا اللي فى عقلي يرن .... نرجى فيه بااالكي علي ييحن

امغير أمتى الصوب يرن....

من طرف ولد الجبل 2012-03-04, 4:43 pm

قال شاعر ينتظر الرنة المطلوبه :
لوكان يتبعوني يقطعوا الحراره .... عليك نين يطلبني كحيل انظاره .

مشاركة من شايب سامع البيت ولا يجيد الحفظ حتى يكمل ...