بوسته / اهداء الي .........

فيش الغلا نرجوبه ***م لياس عالقسامي فيت ما نرموبه *** الا ينتهي


فيش الغلا ترجيبه *** من ها الوقت همي يا العين ارميبه
عليهم قبالة لا حرج لا عيبة *** من حيش اتركوك وفي خفا لعبوبه
سلتك ابربي ما اديري غيبه *** حتى والخطاوي بينا محسوبه
حاسنا عكاس الوقت وتقوليبه *** وخلك امنلي ثقل ونصبوبه
شايلينه فوق الكتوف صليبه *** ياس الغوالي وين نجاروبه ***



غلا فالزايد *** واليوم ايتهاوا من امراجا عايد
امهيمن علي عقلي صحيح واسايد *** نين تم هو زاده وهو مشروبه
وان هفه ايطير اتقول فيه برايد *** اينوض يرتجف بين الفواد وتوبه
ديي عليهم مو اللقات حصايد *** هضول الغوالي غير ما وقضوبه
لوكان غير من وقتي لروحي صايد *** علي ضي نيرانه انشق ادروبه
لاكن حياتي مو حيات رغايد *** ايشمص العيل من مضاق الدوبه
وان جيت للمحادث تبتلي بغدايد *** ايحادفك اللي بيته قزاز ابطوبه
ويدير طبل ويحارب ابخيل قعايد *** ما عمرهن عرقن ورا منهوبه ***


غلا غالينا *** من ياس ايتردا كان به راجينا
هو مو لنا واللي عليه علينا *** خذو ماخذوه اذنوبنا وذنوبه
اسهينا عليه ازرعو فيه دفينة *** سوا ابردته ولله سوا غروبه
وعلي شي واجد وقتنا لاهينا *** والحملة علي جرجارنا منصوبه
واجد العيب اللي عليه وطينا *** مشي في المسحر في ضلام ارعوبه
والذيب ذيب مايكبر انكان فنينا *** عليه زمطنا واعر اعضام اتلوبه


فيش الغلا نرجوبه ***** م لياس عالقسامي فيت ما نرموبه ***** الا ينتهي
-------------------------------
اهداء الي / فرج احميد الشاعث

مشكور على ماقدمت خالد

مشكور على الطرح الجيد اخى العزيز..بارك الله فيك

مشاء الله عليك مشكوررررررررررررر.........رررررررررر

مشكور على ماقدمت
تقبل مروري

مشكور اخى خالد مرتين على الاهداء وعلى الكلام الطيب

شكراً لك على هذا الاطراء الاكثر من رائع