يا عزيز دورلي دواء ننساك

دواء ننساك *** لا حملت عيبك لا حملت بلاك...يا عزيز دورلي

دوا نسيـــــــــــــــــــــــــــــان ... يا ريت تلقى يا عزيز انكــــــــــان

نمحى غلا محفور في الوجدان ... فى قلب تالف من امرار خطــاك
...
في امواقى دمعهن مليــــــان ... وفي كسر خاطر صار من سباك

وفى مشاعر سدهن كتمــــان ... وفي كبد ذابت من سريب غـلاك

غاليتك غلا ما مربيه انســـــان ... وياما حملت انريد غير ارضــــــــاك

وياما قعدت لمركبك ربـــــــــان ... من خوف الامواج اتودره مرساك

وياما ازعلت أن جيتنى زعـــــــلان ... ونمسح ادموعك ما انطيق ابكاك

ليش بعذاب اتردلي الاحســان ... وليش ايتقلت كل يوم هـــــــواك

تقابل جميلي ليش بالنكــــران ... اذّكر مواقف صايرات امعــــــــاك

مالقيت فى قلبك قرام حنـــان ... انزيد في المحنة اتزيدني بجفـــــــاك

دواء ننساك *** لا حملت عليبك لا حملت بلاك...يا عزيز دورلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

مشكـــــ وبارك الله فيك ـــــــــــــــــــور

شكــــــــــــــــ ـــــــــــــــرآ وبـــــــــــــارك الله فيـــــــــــــــــك

بجوده بجوده الله لا يدعدعك

كلام طيب تسلم اخى اسماعيل