عندك يا العاشق

من طرف محمد اللافي 2012-07-10, 2:58 am

كيف اوليش ياغالى انسيت،،،ننشد فيك واللى صار صار

كيف اوليش ياغالى انسيت،،،ننشد فيك واللى صار صار
وكيف سهيت عنك ما سهيت،،،اوكان اسهيت طيفك فى الديار
امعاك خذيت ياغالى خذيت،،،احواش العقل خليته دمار
عطيتك عهد ياغالى عطيت،،،تنقص فيه ياغالى اصدار
شريت اوليش ونت ما شريت ،،سقيتك حلو رديته امرار
نروى فيك ياغالى ارويت،،حنان اوحن ونت لى نار
غافر كنت ما ساعه شكيت ،،ملياسات ترميلى جضار
ساهى نين فى وسطه وطيت ،...،، اللى مزوع خلانى اشطار
انجوم الظهر منك ريت ريت،،،منى ريت ما ساعه اقهار
عندك علم ما غفوه غفيت ،،،قلبت الليل يا غالى نهار
اوعندك علم ما عنك ارضيت ،اوعندك علم ماقيهن امطار
اوعندك علم ياغالى دعيت ،،،ادعاء مظلوم خليتا عوار
يا مولاى ياخالق البيت ،،،اودرته دوم للمسلم مزار
جيتك جى ياربى سعيت ،،،يا مولاى ما عنك اسرار
انكنى فيه ياربى اخطيت ،،،عطنى داء ما عنده ادبار
على قارون ياربى سفيت ،، رمشة عين خلايته دمار
ونكان على ياربى ارضيت ،،، عليه ادعاى ما ينظر عمار
ادعاء مظلوم والبكيه بكيت ،،،انعاش ايعيش عيشه فى كدار
الكم وتيت ما صار اوحكيت ،،،امعاى امين قولو يا كبار