واجع العين خطاهم اعزاز غير مالقيت اللى يفداهم عليش ساكته

من طرف **العاشق الصغير** 2012-07-12, 10:34 am

واجع العين خطاهم اعزاز غير مالقيت اللى يفداهم عليش ساكته

واجع العين بطول خطاهم الى ماله سبب مذكور

وعندى العقل من طول الرجاء مقهور حتى وهم غنايا جابده ذكراهم

لوكان البكاء ينفع بكايا جور عليهم اللى ماعاد هناك افداه

امغير عاد ماعمرا قضاء سيور ابكاء العين غير ايهونا فرقاهم

وحتى وهم غنايا حاجرين احجروا رحيل خاطرى ديمه ايسوق وراهم

**واجع العين خطاهم**

وطال ابكاها عليهم وماقبلت بحد علاها

عدوا وخلوهن اديار احذاها خاليات غير ايخطرن ذكراهم

عليهم ان جت عينى ايزيد كداها وتنظر مطارح فى مكان القاهم

عرب قبل كانوا قوتها ودواها اليوم قاصره حتى على طرواهم

**واجع العين خطاهم**

العين كديه الها زمان ماباتت الليل هنيه

وبليل طارعاليا على واطيه ومن طول الرجاه يانى اليوم بلاهم

اودك الصحبه صافيه ونقيه يابلاش منها شطبه مدعاهم

واصحاب المصالح مالهم غيريه انكان درتهم عول على فرقاهم

وكلا ضنا لجواد والبيتيه ان رافقتهم ماتمل من ممشاهم

وان صاحبت صاحب صاحبه بالنيه ولصحاب فالشدايد هم اللى تلقاهم

وخطرها الا مدعى اعزاز عليه متخاطيين فالرايات نا واياهم

ولادرت سيه تنقتل فى سيه نظيف غير مانظفن معايا نياهم

**واجع العين خطاهم**

اواجع العين وصار خطاهم ونا عالموجعه صبار

واللى قبل حاسبهم ولى انصار وما يطولنى ضيم الزمان احذاهم

اليوم رادين وجايين اصدار شورى ونا مسع خطيت معاهم

لوكان الكفاه بالعيب فيه افخار نقدر انرده مرتين اكفاهم

عربنا ايقيموا شكر مالشكار ولاينسمع حتى انكان شناه

اودك الشاعر كان جاب اشعار يطرى اللى ديمه رفيع نباه

والدنيا قديمه حبل عالجرار اوين الصحابه والنبى وضناهم

وخطرها الا مدعاه غلاء بجرار متقطعات فيه اقسام من يلاهم

وماعند انجبد للقدم تذكار ولاعد نخطى خطوتين وراهم

*واجع العين خطاهم*

واجع العين العيب اواجعنا ملى قريب قريب

لوكان من امطرف نتركه ونسيب ونقول نا اللى بالك بروحى واهم

ونعده غلاء مول الغثيث غثيب اجواد قبل كانوا ينطروا باسماهم

ضارنهم انياهم صافيات حليب عدوهم انجاء رامى ايعيش معاهم

وماعاد يوصل فى جفاه طليب ايعيش فى هنا وقتا ايطول اخماهم

ولايحملوا عايب ان جاب العيب ردادت اكفاه هابا على مطراهم

اليوم فى البريقه حاضرين عضيد يومت تشكره منهم كبير اعداه

اواجد اواجد غير ويش انجيب تبيله شهر مافض شى ذكراهم

وهذى الدنيا ريحها تقليب لجواد فيها قاصرات اخطاهم

واليوم وقتهم تما عطيب شطيب وفيهم اخثر واجد ومايسواهم

واجع العين خطاهم اعزاز غير مالقيت اللى يفداهم عليش ساكته

م ن ق و ل