هذى القصيدة ردعلى الفنان وائل جسار اللى قال غريبة الناس

من طرف **العاشق الصغير** 2012-07-17, 8:12 pm

هذى القصيدة رد على الفنان وائل جسار اللى قال....غريبة الناس

يقول الشاعر: سفيان بوطغيان
رديت عليه وقلت

مش غريبه
مادام الحبيب يرضا يخون حبيبه
أعكس كلام جسار
ياما صارت
مطارح غلا تكسرت وأنهارت
ولعبت الدنيا ع الكريم ودارت
وتما فقير من كان عامر جيبه
وأنقلبت تقست فى ثوانى جارت
بين العرب ذم ونميمة وغيبه
عكس جسار
الدنيا تقاوت صح فيها النار
ولاعاد جار يساول يزور الجار
ولاعاد ينشد ع المريض طبيبه
والله كلام الحق تمت عار
منها أنعجب جسار قال غريبه
فيها الصغير مايحترم لكبار
الدنيا خلت م الشرف والطيبه
وتنظر مصايب كان زرت الدار
دار الرعاية يارفيق عجيبه
تلقى العقوق مقابلك بصدار
البنت ترمى باتها وتسيبه
كلا الأم وين ماحكت انهار
قلبى تهاوى طاح قال مصيبه
هاللى ولدها أنقلب جبار
عليها رفع صوته رماها بعيبه
هجرها نكرها فى وضوح نهار
وبقولة عزوز فيها بدا تعذيبه
الأخ وخيه
بينهم تلاقى الموجعة والسيه
والصاحب يبيعك ف سبيل الغيه
وتكمل حياتك م الرفق فى ريبه
رمز الرفاقة اليوم رسمة حيه
وعندى دليل صحيح نا نحكيبه
كم من رفيق حميت نا بيديا
بيا غدر ف طعنته وتصويبه
وأسمع كلامى يامن لفيت عليا
الدنيا راهى واعرة وصعيبه
م ن ق و ل