قالت الله الله جاءأصدافها غالي قديم غلاه العين حدها قالت

من طرف **العاشق الصغير** 2012-07-28, 5:15 pm

قالت الله الله للشاعر جمعة بوخبينة

قالت الله الله

قالت الله الله *** جاء اصدافها غالي قديم غلاه

العين حدّها .. قالت الله الله

قالت الله وتريده .. حتى إن كان دونه جايّه تصعيدة

والجرح نشّع من حذا الضميدة .. اللّي قبل ما صدّقت هاون داه

وهي وآنست دارت عزوم شديدة .. بعد قولها ما فيه من يسواه
لها سنين ما شوف الخماس الجيدة .. علي شخشبت قالت انريد دناه
اللّي هضا قافل من حذاه بريده .. ما تقول راسلنا وراسلناه
لكن نذير الشوم جاها بيده .. وحايا اللّي ما قبل لايمناه

قالت الله وانهرّت .. وجاء اصدافها القديم لكن غرت

وعلي هــ الحال إن كان هي استمرّت .. انخاف تنعمى واتطيح في المثناه

إن كان على قولت انريده صرّت .. ونصبت نوعها عــ اللي بعيد جباه
اللّي زمان دللها وفيه انضرّت .. ولطّن قساميّه وطال رجاه
وكمّين كاينة كيفه عليها مرّت .. فجعة افراق عزيز يوم خطاه
اللّي اليوم منه يا قرين تمرّت .. ورضيت وشربت من مناقع ماه
قدّام العرب حوته قريب انجرّت .. في شي ما هي عابية بعباه

قالت وما تلتام .. معاه ناظرة ما من دلال أيام

اللّي اليوم حالن بينّا لقسام .. لنّا وقت لا جانا ولا جيناه

لكن بعد غيبة على لوهام .. جاء اصدافنا شال الدليل معاه
ولابا يدنقر لا كرب لحرام .. تقول عاجبه فينا اللّي سوّاه

قالت مغير امروّه .. والنار فيها والعة من جوّا

العين صبرها على جاء يطوّى .. حتى العاقلة يهلب وراه ضناه

وتبقى العجوز تقول فرقة هوّا .. وهو ما يفكّر في العجوز وراه
ولا قولها سوّ العدو في دوّه .. هضا فيش طامع قوللي بالله
وهو يحقّ في عين وجبين اضوّى .. وفي شي واجد على العجوز عماه
وما يهمّ من يسمع الذيب إن عوّى .. المهمّ عوّى في فجوج خلاه

قالت الله ملهوفة .. بعد هذي ماضني هناك حسوفة

اتجي أصداف هي وعزيز نين اتشوفه .. هابا عليك أصداف وملاقاه

ما روّحت منّا إلاّ مخطوفة .. ملاقاة قوم لقوم هي ويّاه
ذبّال العيون السّود طاوي جوفه .. اللّي عندها غالي قليل افداه
وحتى العقل جن متقلّعات صفوفه .. وقال لا تلوم العين في مرجاه
يا شايباً مالك عليها روفه .. خلّي كل حد يحكي على ليلاه

قالت الله بحرارة .. وقبل حوتّه طارت وراه اطياره

ما يسالها بسوال سود أنظاره .. يشوكعلها حتى بعد غنواه

تريد تلحقه صارت لها ثغباره .. وجاء كيدها عــ الدّمع يوم لقاه
وهي قبل ما كانت اللّي صبّاره .. ودارت قناع طويل من يالاه
ولا عاد اتحونن كي تجي للمارة .. ولا عاد اتردّد في حروف أسماه
عليه وآنست عدّن أيام أقداره .. تقول وين ما يطرولها ذكراه

للشاعر .. جمعة بو خبينة
م ن ق و ل

من طرف **العاشق الصغير** 2013-03-30, 2:42 am

قالت الله الله

قالت الله الله جاءأصدافها غالي قديم غلاه العين حدها قالت

قالت الله الله جاءأصدافها غالي قديم غلاه العين حدها قالت

رد: قالت الله الله جاءأصدافها غالي قديم غلاه العين حدها قالت