ليش يا عزيز تدير في عفانه

ليش يا عزيز تدير في عفانه
ايموت الغلا ماادز عالكفانة
ليش ياعزيز ادير

مات مـنـا كفنته
سبايب اوكاب الصوب ياسك وانته
وين ما ترادع صح بيدك عنته
حسيبك علي مادرت هو مولانا
لو كان كي توفا ياعزيز دفنته
كرامت الميت فزعت الدفانا


تدير في فسالة
ايموت الغلا ماادز عالغساله
ولا دز عالكفان والشياله
بيش ندفنوه ونعرفو مكانه
وكل شي كاتبلا الله زواله
ونسامحوك ونقولو خذاه زمانة
لاكن القينا ثابته العداله
لو مانك بريء ماعليت في جحدانه


وليش ما تدز علينا
رانا حضرنا والوتاية وتينا
ورانا دفنا الغلا بيدينا
ودفنا خطاك معاه فالجبانه
ورانا ابيوت كبار له بنينا
بيوت مضيفه للي معزي جانا
ورانا عللي سايرات وطينا
حتي وانت خاين يا عزيز امانه


ما تدز عالوتايه
ايوتو وتا وبيوت للعزايه
وتجيب عذر لنا في طرف سهراية
اوقات لبنادم يغلبا شيطانا
وتفضي خواطر واجده ملايه
قدام العرب تبكي عليه امعانا


ليش اجحوده
عزيز فالغلا مادار غير السوده
خلها رصيده بينا مرصوده
قدام العرب يبرم علي حيضانا
ولو نجبدولا بينا مجبوده
تبيلا سنين وما كمل طابانا
وبين القضاه والقدر والمقصوده
في فرق واضح باينات اركانه
عزيز نطلبوه وينكروه شهوده
الباطل ابسعي هم طشوه اقرانه
وحلاوة العابد يختشي معبوده
وكل عود له ناره وله دخانه


ليش ياعزيز ادير
ايموت الغلا مادز عالكفانه
في عفانه