مازلت في سريب غلاك صخره صلبه

مازلت معجب مالغيت اللايك،،
طلبت الرضاء بالعقل وانتي رآيك،،
حتى تبيني انقولها ف المايك،،
موش مشكله يأم العيون مصابي

مازلت معجب هلبه،،
ومازلت في سريب غلاك صخره صلبه،،
نارايدك ومانريــد الغلا بالطلبه،،
ومادرت دونك شي دابك دابي،،
القيت الفراق مرار كيف الحلبه،،
لابدا شربته قبل مانك غابي

مازلت معجب واجد،،
والمعجبين كثار عندك تاجد،،
ذكراك مستمر معاي كانش ساجد،،
ومربوط ربط في الصفحه عليها كابي،،
وما اتعبري فيا و نا متواجـد،،
وانكان غبت عنك تفرحي بغيابي،،

مازلت معجب بيك،،
ومازال بالغلا عندي حشيشه فيك،،
كان غير قلتي لي تعال انجيك،،
يأم الشفايف لونهم عنابي،،

مازلت معجب برشا،،
وكل مايقولو فيك وذني طرشه،،
خليك من دوة كبار الكرشه،،
شبابك معاودلي ايام شبابي،،
انواع الرطابه فيك مانك حرشه،،
وعيون سود وعيونك سلاح رهاب