قولوا خير .. صـــيّور ليبيا تزها بعد تكدير..ياهل الخير أمغير

من طرف **العاشق الصغير** 2012-09-25, 9:43 pm

>

لـــيــــبــــيـــا ...

[b][b]
لـيــبـــيـا .. للشاعرين الكبيرين عبدالرحمن عابد بوجازية ومفتاح الفالح

الشاعر عبدالرحمن عابد يقول :

ظنّك ايجيها يوم يا بوالفــالح .. واتروق البلاد وعالخطــا تصـــالح
ظـنّك ايســـير صــــــــــــلاح .. وتبقى الناس احبــاب يامفــتاح
وتعمــر بعــد قابيـتّـا اتنــــاح .. وتصفى إيقود الوطن راجل فالح
وانعيشوا ابخير ووطنا يرتاح .. بعـدما افتكّـت ليـبـيا مالطّــــالح

رد عليه الشاعر مفتاح الفالح وقال:

ما أهنــــــاك غــير الخـــــــير .. أتدور الدواير والصـــلاح إيســير
نفتــكّوا أتروق إيريح ها النجـير .. حتى فـ ارمضــــان ابلادنا تدالح
بالك أشبع مامن خبيث ضمير .. زقّوم هالته خوّج خلط ع المالح
وبالك إيتوب خـلاص في لاخير .. الفتني اللي يفتن أمتاع مصالح
واللي بينا يسعى علي تنكير .. اللهِ إيعطيه ادعــوه رايه طــــالح
ولاأتخاف ياصـــــاحب الله كبير .. صيّور ليبيا تقشع الوجه الكـالح

___________

وهذي قصيده اخرى للشاعر مفتاح الفالح يقول فيها

قولوا خير .. صــــــــــيّور ليبيا تزها بعد تكدير .. يا هل الخير أمغير

يـــــــاشــــــايلين الهــــــــــــم .. اتروق البــــــــــلاد وشملها يلتمّ
وتربت ظناها طـــــاهرين الدم .. اللي لكسرها كانوا سبب تجبير

أمغير أصبروا تعمر الخير إيعــم .. ويزيل الفــــــــــتن عنها الله كبير
وكّال خيرها بالزور واكل ســم .. يردي عليــــــــــه نكاد في لاخير
فيه حي ما يغفل وفيه عشم .. ودم الشــــــــــهيد إيبان له تاثير
هذي ليبيا هي لم تبقى لم .. وهي باقــية ورزق السطير إيطير
ـــــــــــــــــــــ
ويقـــــــول اخرى:-
مافيـــــه كيفك كيف .. ياليــبــيا العظـــــيمه
ولاكيف طيفك طيف .. يالغــــــالية الحميمة
معدن نفيس نظيف .. عشتي وتبقى ديمه
ماننصــــفك توصيف .. ود وطيـــــــابة شيمه
لو توقفــــي النزيف .. ودمــــــــوع هاليتيمه
م ن ق و ل
[/b][/b]