تأكيدات غير مؤكدة تؤكد وجود

خبر عاجل:
تم القبض علي خميس( الحمد لله شديناه ) ولكن في الطريق تعرضوا لكمين ادى الى مقتله( حتى ميت عادي) واثناء نقال جثمانه الى مصراته تعرضو الى قديفة هاون ممادى الى تشوه كبير في الجثة ( باهي مازال عندنا تحليل دي ان ايه) واثناء انقاد الجثة وحملها على وجه السرعة الى المستشفى تتعرض السيارة الى لغم أرضي ممايؤدي الى احتراق الجثة احتراق كامل وتصبح رماد ( باهي مازال عندنا الرماد ) واثناء تجميع الرماد تأتي عاصفة هوجاء تنثر جميع الرماد ( تي خيركم ماصورتوشي من الاول ) ... هنا مربط الفرس موبايلات الثوار كلها ( نوكيا بيلة )
منقول

ههههههههههههه
تحب تفهم ادوووووووووووووووووخ

والله صدقتي.....ولا كلهم ناسيين نقالاتهم......الأمر فيه إإإإإإإإإإإإإإإإإن ويستر الله

لا فضى فوك

والله صدقتى وتحليل منطقى .....

اول امس مليشيات
امس قوات درع ليبيا
اليوم كذابين
نقوللكم مصراته هيا مصراته قدمت اكبر نسبة شهداء و
جرحى لليبيا مش ليكم و قاااعده تقدم
الله اكبر ياثوار
واحني معاكم و مصدقين خبر قتل خميس ملييييون بالميه
ﻻن الخبر خديناهه من هلنا ف خط النار مش زيكم ندورو في
اخبار من صفحات كاذبه محسديه و فروخ مش تريس
واللبيب من اﻻشارة يفهم

ههههههههه يعني انتم فرحانين بان خبر مقتل خميس غير صحيح ؟
يمكن الله اعلم الاخبار لا زالت تتوارد
لكن الاهم والمهم هو تحرير جماهيرية بني وليد والانتصار لثوار بني وليد الاحرار والقضاء على فلول الاستخبارات القردافية وبقايا اللواء 32 المعزز والمطلوبين الذي تلطخوا بجرائم دموية واخلاقية في طرابلس والزاوية والجبل والبريقة واجدابيا وبنغازي دفاعا عن معبودهم المقبور

الاهم ايضا هو القضاء على كل خلاياكم في ليبيا وانكشافها وفضحها
الاهم هو توحد احرار ليبيا من اجل تحطيم اخر احلامكم بالعودة والانقلاب على ثورة 17 فبراير

أستفيدوا بقرأت هذا التحليل المنطقي من هنا

خوتي ليش وااخذين الموضوع بحساسية نحن عارفين هلنا في مصراته وفي كل شبر في ليبيا حتى في بني وليد.انهم مع الثورة ويخاافوه على ليبيا
بس ليش الحساسية هذه
بعدين اتقولوه فرحانين انه خميس مش ميت..تي حتى لو كان حي هو وبوه وهله وذريته بالنسبة للشعب الليبي خلاص انتهوه وماتوه وشبعوه موت.
انقوللكم بلاش حساسية.ونحن نحترموه كل ثوارنا الي ع الجبهات من الشرق ومصراته للزاوية وعارفين نظالهم ومحدش يزايد على حد الكل قدم لليبيا دم وفقدوه ناس
الموضوع يسخر من اعلامنا الكاذب وحكومتنا الموقرة الي طلعوه وصرح كل واحد فيهم ع الخبر وثاني يوم طلعوه وكذبوه
والي يقول الخبر صح انهم قتلوه..نبوه صورة+فيدو.......وين الادلة والاثباتات ملينا حكي فلان قال ..وعلان شاف..نبي صورة تثبت انه ولد الطااغي ميت...شكرا وكلنا نحبوه ليبيا وثوارنا من كل منطقة هم حماتنا ضد العدو