روحت م الدكتور فيدى صورة **القيت صورته فيها جميل الصورة 3

من طرف **جمال المروج** 2012-10-26, 10:35 pm

بين اضلوعى**القيت صورتــه هللى سبايب لوعى
وين شفتها غلبن علىْ ادموعى ** مخنوق عبرة دمعتى مجبورة
على كل ما نسعى فشل مشروعى**والقلب يا لاصحاب زاد سمورة
عاللّى رحل وما مشا فـي طوعى**هكى نصيبى خطــــوته مقصورة
وزاد صورته الغالي فِشَتْ ميضوعى** قدام الطـبيب منقشة محفورة
روحت م الدكتور فيدى صورة **القيت صورته فيها جميل الصورة
كتبلى وصفـــــــــــــــــــــــــــــة** ايريدنى نـــــــــبرا وجوّى يصفه
تــــــــاريتها كبدى بدت منقصفه**غازى عليـــــــــها همها مشطورة
تميت نـــــــاخد فى اوراقى نسفَه** والّنار فــيّا والعــــــــه مكبــورة
وشايل على صدرى مثيل الرّصفَة**هموم واجده للناس مش منظورة
كامى ابهن خواطرى منــــكسفَه **وصابرعلى ميل الزمان وجورة
روحت مـ الدكتور فيدى صورة **القيت صورته فيها جميل الصورة
مِشِيتْ امبــــــــــــــــــــــــــــكّر**الْ دكتور ثـــــانى بصورتى متنكّر
خذاها وبين ايـــــديه طول تعكّر**جوّه بعدما شفاها ف خطــــــورة
نظرلى ابْحن طال النظر ويفكّر**رفعلى يــــــــديه وقال في منشورة
مش عندى دواك اليوم فـيك انذكّر** أنت داك مش طبّه دوا وتنثورة
امشى ال شيخ يرقيلك علـــيه يسكّر**فازع قوى برهان طـبك شورة
طريلى كمــــا الزكّار وآن يزكّر ** فى فم جامع حــــايسات أمورة
روحت مـ الدكتور فيدى صورة **القيت صورته فيها جميل الصورة

منقول

من طرف فتون 2012-10-26, 10:40 pm

اليوم جيتك ع الشعر خوي
تسلم رائعة ربي يهنيك

من طرف **جمال المروج** 2012-10-26, 11:30 pm

فتون كتب:اليوم جيتك ع الشعر خوي
تسلم رائعة ربي يهنيك

فعلا الشعر حلووو يبي من يفهمه فتون
شكرا للمتابعة

من طرف محمد الوفى1122a 2018-01-15, 6:08 pm

ﺷﻴﺒﺎﻧﻲ ﻣﺎﺷﻲ ﻟﺪﻛﺘﻮﺭﺓ ﻋﻴﻮﻥ
ﺧﺶ ﻗﺎﻝ ﺍﻟﺴﻼﻡ ﻋﻠﻴﻜﻢ
ﺍﻟﻤﻤﺮﺿﻪ ﻗﺎﻟﺘﻠﻪ ﻭﻋﻠﻴﻜﻢ ﺍﻟﺴﻼﻡ
ﺗﻔﻀﻞ ﻗﻌﻤﺰ ﻳﺎﺣﺎﺝ ﻗﻌﻤﺰ ﻗﺪﺍﻡ ﺍﻟﺪﻛﺘﻮﺭﻩ
ﻗﺎﻟﺘﻠﻪ ﻻﺑﺎﺱ ﻳﺎﺣﺎﺝ ﻣﻦ ﺷﻦ ﺗﺸﻜﻲ
ﺍﻟﺸﻴﺒﺎﻧﻲ ﻗﺎﻟﻠﻬﺎ ﻧﺤﺲ ﻓﻲ ﻋﻴﻮﻧﻲ
ﻣﺪﻏﺪﺷﺎﺕ ﻭﻣﺶ ﺯﻱ ﻗﺒﻞ ﻭﻳﺎﻛﻠﻦ ﻓﻴﺎ
ﺍﻟﺪﻛﺘﻮﺭﻩ ﻗﺎﻟﺘﻠﻪ ﺗﻌﺎﻝ ﻋﺎﻟﺠﻬﺎﺯ ﺧﻠﻲ ﻧﺸﻮﻓﻬﻢ
ﻧﺎﺽ ﺍﻟﺸﻴﺒﺎﻧﻲ ﻗﻌﻤﺰ ﻭﺣﻂ ﻭﺟﻬﻪ ﻋﺎﻟﺠﻬﺎﺯ
ﺍﻟﺪﻛﺘﻮﺭﻩ ﻗﺎﻟﺘﻠﻪ ﺍﺷﺒﺢ ﻗﺪﺍﻣﻚ ﻃﻮﻝ ﻳﺎﺣﺎﺝ
ﺍﻟﺸﻴﺒﺎﻧﻲ ﻋﺠﺒﺎﺗﻪ ﺍﻟﺪﻛﺘﻮﺭﻩ ﻭﻗﻌﺪ ﻳﺸﺒﺤﻠﻬﺎ ﻋﻠﻲ ﺟﻨﺐ ، ﺍﻟﺪﻛﺘﻮﺭﻩ ﺃﺷﺮﺗﻠﻪ ﺑﻴﺪﻫﺎ ﻗﺎﻟﺘﻠﻪ ﺷﻮﻑ ﺍﻟﻘﺪﺍﻡ ﻳﺎﻋﻤﻲ .
ﺍﻟﺸﻴﺒﻨﺎﻧﻲ ﻣﺎﻋﺠﺒﺎﺗﺎﺵ ﻛﻠﻤﺔ ﻋﻤﻲ ﺭﺩ ﻋﻠﻴﻬﺎ ﻗﺎﻟﻠﻬﺎ ..
.
.
ﻳﺎﺑﻨﺖ ﻧﺂﺁ ﻭﻟﻠﻪ ﻣﺎﻧﻲ ﻋﻤﻚ ..
ﻳﺎﻟﻠﻲ ﻛﻤﺎ ﻣﺪﺑﺢ ﻏﺰﺍﻟﻪ ﻓﻤﻚ ..
ﻳﺎﺑﻨﺖ ﻳﺎﻣﺰﻳﻮﻧﻪ ..
ﺧﺪﻙ ﻛﻤﺂ ﺍﻟﻮﺭﺩﻩ ﺍﻳﻘﺎﺑﻞ ﻟﻮﻧﻪ ..
ﻭﻓﻴﻬﻦ ﺩﻭﺍﻳﺮ ﻛﻴﻒ ﻭﺟﻪ ﻓﻠﻮﻧﻪ ..
ﻭﻣﻦ ﺭﺑﻨﺎ ﺍﻧﺘﻲ ﺍﺧﻔﻴﻒ ﺩﻣﻚ ..
ﻭﻣﻦ ﻋﻨﺪ ﺭﺑﻲ ﺑﺎﻟﻌﺴﻞ ﻣﻌﺠﻮﻧﻪ ..
ﺑﻴﻀﻪ ﺷﻜﻌﺘﻲ ﻛﻲ ﺭﻓﻌﺘﻲ ﻛﻤﻚ ..
ﻭﺑﺎﻳﻦ ﻋﻠﻴﻚ ﻣﺶ ﻭﺍﻛﻠﻪ ﺍﻟﻤﻜﺮﻭﻧﻪ ..
ﺯﻭﻟﻚ ﺍﻣﺮﺍﺩﻉ ﺳﺎﻫﻠﺔ ﻓﻲ ﺿﻤﻚ ..
ﻣﺶ ﻛﻲ ﻋﺰﻭﺯﻱ ﺍﻟﻲ ﻛﻤﺎ ﺍﻟﻄﺎﺑﻮﻧﻪ ..
ﻭﻟﻮ ﺗﻘﺮﺑﻚ ﺣﺘﻰ ﺍﻟﻨﻔﺲ ﺍﺗﻐﻤﻚ ..
ﻭﺍﻟﻜﺒﺪ ﻣﻨﻬﺎ ﻃﺎﺍﺍﺍﻳﺒﻪ ﻭﻣﺴﺤﻮﻧﻪ ..
ﻣﺎﻳﺶ ﻛﻴﻔﻚ ﻳﺎﻭﺭﻳﺪﺓ ﺍﻣﻚ ..
ﺍﻧﺘﻲ ﻗﻨﻴﻨﻪ ﻭﺑﺎﺍﺍﻳﻦ ﻋﻠﻴﻚ ﺣﻨﻮﻧﻪ ..
ﻭﻓﻲ ﺍﻟﻜﻮﻥ ﻣﺎﻳﻘﺪﺭ ﺍﻧﺴﺎﻥ ﺍﻳﺪﻣﻚ ..
ﻭﺍﻟﻠﻲ ﺍﻳﺸﻮﻓﻚ ﻃﻮﻭﻝ ﺗﺒﺮﺍ ﻋﻴﻮﻧﻪ ..
ﻭﻳﺴﻜﺮ ﺑﻌﻄﺮﻙ ﻟﻮ ﺍﻗﺮﺏ ﻭﺷﻤﻚ ..
ﻟﻮ ﺗﺒﻘﻠﻲ ﺣﻮﻭﺷﻲ ﺍﻧﻐﻴﺮ ﻟﻮﻭﻧﻪ ..
ﻭﺑﺸﺮﻉ ﺭﺑﻲ ﻭﺍﻷﻗﺴﺎﻡ ﺍﻧﻠﻤﻚ .
.
.
.
ﻭﻧﺎﺽ ﺍﻟﺸﻴﺒﺎﻧﻲ ﻣﻦ ﻋﻠﻲ ﺟﻬﺎﺯ ﺍﻟﻜﺸﻒ
ﻭﻗﻒ ﻭﻗﻌﺪ ﻳﺸﺒﺢ ﻓﻴﻬﺎ ، ﻭﺍﻟﺪﻛﺘﻮﺭﻩ ﺗﺤﺸﻤﺖ ﻭﻗﻔﺖ ﻭﺭﺍﺳﻬﺎ ﻓﻲ ﺍﻷﺭﺽ ﺭﺩﺕ ﻋﻠﻴﻪ ﻗﺎﻟﺘﻠﻪ ..
.
.
.
ﻣﺘﺠﻮﺯﻩ ﻳﺎﺣﺎﺍﺍﺝ ﻧﺎ ﺑﺼﻐﺎﺍﺭﻱ ..
ﻭﺧﺎﻃﻲ ﻟﺰﻭﺟﻲ ﻣﺎ ﺍﺗﺤﻖ ﺍﻧﻈﺎﺭﻱ ..
ﻣﺘﺠﻮﺯﻩ ﻭﻣﺮﺗﺎﺣﻪ ..
ﻭﺍﻧﺤﺐ ﺟﻮﻭﺯﻱ ﻧﺂ ﺑﻜﻞ ﺻﺮﺍﺣﻪ ..
ﻭﻧﺎ ﻋﺎﻳﺸﻪ ﻓﻲ ﻋﺰ ﺗﺤﺖ ﺟﻨﺎﺍﺍﺣﻪ ..
ﻭﻻ ﻳﻮﻡ ﻋﻦ ﻃﻮﻋﻪ ﻳﺤﻴﺪ ﻣﺴﺎﺭﻱ ..
ﻗﻠﺒﻲ ﻋﻄﻴﺘﻪ ﻟﺮﺍﺍﺍﺟﻠﻲ ﻣﻔﺘﺎﺍﺍﺍﺣﻪ ..
ﻭﻫﻮ ﻋﺎﺩ ﻏﺎﺍﺍﻟﻴﺎﺍﺍ ﺍﻣﻌﻠﻲ ﺍﻗﺪﺍﺍﺍﺭﻱ ..
ﻣﺎﺍﺣﺪ ﻳﻘﺪﺭ ﻳﺎﺍﺍﺧﺪﻩ ﻣﻄﺮﺍﺍﺍﺍﺣﻪ ..؛
ﻫﺎﻟﻠﻲ ﻟﺼﻼﺗﻪ ﺍﻳﻨﻮﺽ ﻣﻦ ﻟﻔﺠﺎﺭﻱ ..
ﻭﻳﺒﺪﺁ ﻋﻠﻴﺎﺍﺍ ﻛﻞ ﻳﻮﻭﻭﻡ ﺻﺒﺎﺍﺍﺣﻪ ..
ﻭﺍﻳﺠﻴﺒﻠﻲ ﻟﺤﺪ ﺍﻟﺴﺮﻳﺮ ﺍﻓﻄﺂﺁﺁﺭﻱ ..
ﻭﻣﻌﺎﻱ ﺩﻳﻤﺂﺁﺁﺁ ﻛﺎﺗﺮﺍﺍﺕ ﺍﻓﺮﺍﺍﺍﺣﻪ ..
ﺑﻮﻋﻴﻦ ﺳﻤﺤﻪ ﻛﻴﻒ ﺻﻘﺮ ﺍﺑﺤﺎﺭﻱ ..
ﻭﻓﻲ ﺩﺍﺭ ﻧﻮﻭﻭﻣﻲ ﺩﺍﺭﻟﻲ ﺩﺭﺟﺎﺣﻪ ..
ﻭﻟﻠﻪ ﻟﻮﻭﻭ ﻧﻄﻠﺐ ﺍﻳﺠﻴﺐ ﺟﻮﺍﺍﺭﻱ ..
ﻭﺩﻳﻤﺂﺁﺁ ﻧﺴﻮﻭﻣﻪ ﺭﺍﻳﻌﻪ ﻓﻮﺍﺍﺣﻪ ..
ﺧﺎﺍﺍﻃﻴﻪ ﻣﺎﺍﺍﺍﻧﻨﻈﺮ ﻭﺣﻖ ﺍﻟﺒﺎﺍﺍﺍﺭﻱ .
.
.
.
ﺍﻟﺸﻴﺒﺎﻧﻲ ﺃﺻﻴﺐ ﺑﺨﻴﺒﺔ ﺍﻣﻞ ﻛﺒﻴﺮﻩ
ﻭﺑﻌﺪ ﺳﻤﻊ ﻣﺎﻳﻘﻬﺮﻩ ﺩﺍﺭ ﻃﺎﻗﻴﺘﻪ ﻋﻠﻲ ﺟﻨﺐ
ﻭﻗﺎﻟﻠﻬﺎ ..
.
.
.
ﺑﻨﺠﻴﺒﻠﻚ ﻣﺮﺗﻲ ﻋﻄﻴﻬﺎ ﺩﻭﻭﺭﻩ ..
ﻓﻲ ﺍﻟﺤﺐ ﻭﺍﻟﺘﺪﻟﻴﻊ ﻳﺎﺩﻛﺘﻮﻭﺭﻩ ..
ﺑﻨﺠﻴﺒﻠﻚ ﻓﺘﺤﻴﻪ ..
ﺍﻟﻠﻲ ﺭﺍﻳﺤﻪ ﻡ ﺍﻟﺴﻤﻦ ﻛﻲ ﺍﻟﺒﺘﻴﻪ ..
ﻋﻄﻴﻬﺎ ﻧﺼﻴﺤﻪ ﻟﻠﺮﺷﺎﻗﻪ ﺷﻮﻳﻪ ..
ﻭﺩﻳﺮﻳﻠﻬﺎ ﺭﻳﺠﻴﻢ ﻳﺎﺳﻨﻔﻮﻭﻭﺭﻩ ..
ﻭﺍﺣﻜﻴﻠﻬﺎ ﻛﻴﻒ ﺍﻟﻐﻼ ﻭﺍﻟﻐﻴﻪ ..
ﺧﻠﻬﺎ ﺍﻟﻨﻜﺪ ﺍﺗﻔﻮﺕ ﻫﺎﻟﻤﻘﻬﻮﺭﻩ ..
ﻫﻲ ﺩﻭﻡ ﺭﺍﻫﻲ ﺍﻣﻄﺮﻣﻪ ﻭﻧﻜﺪﻳﻪ ..
ﻻﺯﻳﻦ ﻗﺎﺍﺍﻟﺐ ﻻ ﺳﻤﺎﺣﺔ ﺻﻮﺭﻩ ..
ﻣﻨﻬﺎ ﺗﺮﺩﺕ ﺣﺎﺍﺍﻟﺘﻲ ﺍﻟﻨﻔﺴﻴﻪ ..
ﻣﺎﺍﻓﻴﺶ ﻣﺮﻩ ﺷﻔﺘﻬﺎ ﻣﺴﺮﻭﺭﻩ ..
ﻣﺎﺗﺸﺒﻬﻚ ﻳﺎﻟﻠﻲ ﻛﻤﺎ ﺍﻟﻬﻨﺪﻳﻪ ..
ﺗﻔﺎﺻﻴﻞ ﺟﺴﻤﻚ ﺭﺍﻳﻌﻪ ﻭﻣﺤﺪﻭﺭﻩ ..
ﻭﻧﻘﺸﻚ ﺭﻗﻴﻖ ﺍﻟﺤﻖ ﻣﺶ ﻋﺎﺩﻳﻪ ..
ﻭﺑﻴﻀﻪ ﻛﻤﺎ ﺍﻟﺠﺒﻨﻪ ﺍﻟﻠﻲ ﻣﻌﺼﻮﺭﻩ ..
ﻳﺎﺳﻌﺪ ﺯﻭﺟﻚ ﺑﻴﻚ ﻳﺎﺣﻮﻭﺭﻳﻪ ..
ﻳﺎ ﺍﻡ ﺍﻟﻌﻴﻮﻥ ﺍﻣﻠﻮﻧﻪ ﻣﻘﺮﻭﻭﺭﻩ .
.
.
.
ﺍﻟﺪﻛﺘﻮﺭﻩ ﺇﻟﺘﺒﺴﺖ ﻭﺟﻬﻬﺎ ﺭﺍﺡ ﺯﻱ
ﺣﺒﺔ ﺍﻟﻔﺮﺍﻭﻟﻪ ﺭﺩﺕ ﻋﺎﻟﺸﻴﺒﺎﻧﻲ ﻗﺎﻟﺘﻠﻪ ..
.
.
.
ﻋﺎﺩﻱ ﻣﺮﺍﺗﻚ ﺟﻴﺒﻬﺎ ﺍﻧﻌﻠﻤﻬﺎ ..
ﻛﻲ ﺗﺴﻌﺪﻙ ﻳﺎﺣﺎﺝ ﻭﺍﻧﺴﻘﻤﻬﺎ ..
ﺟﻴﺒﻬﺎ ﺍﻧﻮﺭﻳﻬﺎ ..
ﻭﺩﺭﻭﺱ ﻓﻲ ﺍﺻﻞ ﺍﻟﻐﻼ ﻧﻌﻄﻴﻬﺎ ..
ﻭﺻﻔﺔ ﺭﺟﻴﻢ ﺍﻟﺤﺎﺟﻪ ﻧﻌﻄﻴﻬﺎ ..
ﻭﻧﺂ ﻋﺎﻟﺪﻫﻮﻭﻥ ﺍﻟﺤﺎﺟﻪ ﺍﻧﺼﻴﻤﻬﺎ ..
ﻭﻛﻴﻒ ﺍﻟﻐﺰﺍﺍﻟﻪ ﺟﺴﻤﻬﺎ ﺍﻧﺨﻠﻴﻬﺎ ..
ﻟﻜﻦ ﻧﺒﻴﻚ ﻓﺤﻮﺷﻜﻢ ﺗﺪﻋﻤﻬﺎ ..
ﻭﻣﺎﻋﺎﺩ ﺗﻬﺰﺁﺁ ﻳﺎﺣﻮﻳﺞ ﻋﻠﻴﻬﺎﺍ ..
ﺭﺍﻫﻲ ﺍﻟﻬﺰﻭﻩ ﻫﻲ ﺍﻟﻠﻲ ﺗﻌﺪﻣﻬﺎ ..
ﻭﺗﻔﺮﺡ ﻣﺮﺍﺍﺗﻚ ﺑﺈﺗﻤﺎﻣﻚ ﺑﻴﻬﺎﺍ ..
ﻏﻴﺮ ﺟﻴﺒﻬﺎ ﻭﺭﻭﺣﻲ ﻟﻬﺎ ﻧﻘﺴﻤﻬﺎ ..
ﻭﻓﻲ ﻛﻞ ﺣﺎﺟﻪ ﺍﺗﺤﺒﻬﺎ ﺍﻧﻘﺮﻳﻬﺎ ..
ﻭﻧﺂ ﻧﻮﻭﻋﺪﻙ ﻣﻦ ﺷﻲ ﻣﺎﻧﺤﺮﻣﻬﺎ.

روحت م الدكتور فيدى صورة **القيت صورته فيها جميل الصورة 3

روحت م الدكتور فيدى صورة **القيت صورته فيها جميل الصورة 3

رد: روحت م الدكتور فيدى صورة **القيت صورته فيها جميل الصورة 3

رد: روحت م الدكتور فيدى صورة **القيت صورته فيها جميل الصورة 3

رد: روحت م الدكتور فيدى صورة **القيت صورته فيها جميل الصورة 3