اغاني على القديم وشتاوي

يالقديم خلاص انسيتك وانت تنساني ياريتك
يالقديم ايش عندك فيها تبرم عالعين اتبكيها
يالقديم ايامك عدن واخرة مستحيل ايردن
يالقديم انسيتك مدة نادم وانفكر في الردة
يالقديم اقريب انسيتك لكن كي فتشت القيتك
يالقديم امعانا كنك نبكو غير عليك ومنك
يالقديم اجروحك فينا مايبرن نين ادوينا


لودرت عاجديد جديد يبقي قديم هو صاحب الغلا
الساهلة اندير جديد والكاينة املاقاة القدم
لوكان يالقديم انضرن امعاك خير مادارن اجدد
مع جديد الخاطر عده صوب قديم الله لايرده
درت جديد وجاحد صوبه من الخوف الناس ايحسوبه
جديدي ناهو القديم ابنفس اللوعه والتخميم
جد جديد فرض شخصيتة نساني لول وانسيتا
جديد مارضيت اندير ولا قديم جا في طوعنا
جدييييييد وقديييييم أوزنت ألقيت فرق يامابينهن